Engar vísbendingar um að SARS COV-2 veiran sé hættuleg frískum börnum
Forstjóri Pfizer, Albert Bourla, fær ávítur af breska lyfjaeftirlitinu fyrir villandi ummæli um covid-bólusetningar fyrir börn að sögn The Telegraph.
Í viðtali við BBC í desember hélt Albert Bourla því fram, að „enginn vafi léki á því að ávinningurinn af að bólusetja börn á aldrinum 5 til 11 ára gegn covid-19 væri þeim algjörlega í hag.“ Hann sagði:
„Við vitum að bóluefnið virkar mjög vel á yngri börn.“
Fullyrðinga forstjóra Pfizer í fjölmiðlum voru í kjölfarið kærðar til breska lyfjaeftirlitsins PMCPA „Prescription Medicines Code Of Practice Authority.“ Samtökin UsForThem, sem segjast berjast fyrir réttindum barna í tengslum við heimsfaraldurinn, stóðu að baki kærunnar. UsForThem skrifar:
„Það eru einfaldlega engar vísbendingar til um að SARS COV-2 veiran hafi í för með sér verulega hættu fyrir heilbrigð skólabörn í Bretlandi. Að gefa slíkt í skyn er skammarlega villandi.“
Forstjóri Pfizer felldur fyrir að halda fram órökstuddum fullyrðingum
Áfrýjunarnefnd skipuð af PMCPA komst að þeirri niðurstöðu, að Pfizer hafi brotið siðareglur lyfjaframleiðenda og villt um fyrir almenningi með því að halda fram órökstuddum fullyrðingum og setja upplýsingar ekki fram á málefnalegan og yfirvegaðan hátt.
Lyfjarisinn hefur hins vegar mótmælt því og segir ekkert athugavert við ummæli forstjórans. Pfizer fullyrðir, að það sem Albert Bourla sagði hafi verið byggt á „núverandi vísindalegum sönnunum.“
Lýðheilsan í Svíþjóð hætti að mæla með covid-bóluefnum fyrir börn yngri en 18 ára frá og með nóvember í ár. Ástæðan er „mjög lítil hætta á alvarlegum veikindum og dauða af völdum covid-19 hjá börnum og ungmennum“ að sögn yfirvalda. Aðeins börnum í sérhópum með aukið næmi fyrir covid-19 er boðið upp á bólusetningu gegn sjúkdómnum.
