Erlendir bankar og gjaldeyrisskiptar hafa hætt að skipta sænskum seðlum. Ástæðan er sögð vera sú að sænskir bankar hafi ekki lengur áhuga á sænsku reiðufé.Gengi sænsku krónunnar heldur áfram að lækka og er í sögulegu lágmarki sem stendur.
Samanborið við evru er verðmæti sænska gjaldmiðilsins nú um það bil jafn lágt og það var í lágmarki snemma árs 2009, í tengslum við fjármálakreppuna.
Neita sænskum peningum
Sem rúsínan í pylsuendanum neita bankar og gjaldeyrisskiptar erlendis að taka við sænsku reiðufé. Forex skrifar það á vefsíðu sína. Ástæðan er sögð vera sú að það er enginn sænskur banki sem hefur áhuga á að kaupa sænska peningana til baka frá útlöndum. Sumir telja að sænska krónan sé á mörkum þess að verða verðlaus, þegar bankarnir neita að versla með reiðufé. Samkvæmt Forex hafa danskir og norskir bankar hins vegar áður hagað sér á sama hátt. Þótt lækkun sænsku krónunnar sé mikil, þá hefur norska krónan fallið enn meira á síðasta ári. Danska krónan, sem er bundin við evruna, hefur hins vegar gengið töluvert betur í gegnum kreppuna.
Eru að rannsaka málið
Sænski seðlabankinn er meðvitaður um ástandið. Margir áhyggjufullir Svíar hafa haft samband við seðlabankann að undanförnu með spurningar um af hverju bankar séu hættir að taka við sænskum krónum. Susanne Mejer hjá seðlabankanum segir við Samnytt, að bankinn sé að kanna málið og það séu hagsmunir bankans að sænska krónan sé samþykktur sem greiðslumiðill.
