Þann 5. janúar samþykkti framkvæmdastjórn Evrópusambandsins bjöllulirfur sem nýja fæðutegund, svokallað „novel food“ til að gera matarvenjur ESB-borgara meira „sjálfbærar.“ Þetta er í fyrsta sinn sem skordýr eru samþykkt sem matvæli innan ESB. Samkvæmt nýju lögunum geta framleiðendur falið lirfurnar í innihaldsyfirlýsingunni á bak við dulmálsheitið „alphitobius diaperinus“ í stað þess að segja „skordýr“ eða „lirfur.“
Bjöllulirfur eru framandi skordýr sem eiga uppruna sinn í Afríku sunnan Sahara. Þær hafa tvöfalt styttri lífsferil en mjölormar, sem þýðir að það tekur aðeins mánuð að framleiða þá. Ný lög ESB koma í kjölfar þess, að nokkrir sérfræðingar sem tengjast samtökum hagfræðingsins Klaus Schwab, World Economic Forum, hófu lirfuát sem „sjálfbærari“ lífsstíl bæði fyrir íbúa ESB og umheiminn í framtíðinni.
Hægt að græða meira á bjöllulirfum en hefðbundnum landbúnaðarafurðum
Árið 2021 birtu samtökin áætlun um að fæða 2 milljarða nýs mannfólks með skordýrum. Hvernig það verður á eftir að koma í ljós. En það er ljóst að bjölluormurinn hefur hæsta próteinhlutfall allra „ætra“ skordýra, sem gerir það að verkum, að hann hentar best til stórframleiðslu. Margir flokkar af bjöllulirfuhráefnum verða gerðir löglegir: heilbleikt og frosið (mauk, heilt), hvítt (fryst og frostþurrkað) og í duftformi (bleikt, frosið, frostþurrkað og malað). Ráðlögð notkun bjölluorma eru korn, pasta, núðlur, brauð, bakaðar vörur, sósur og unnið kjöt, snakk, þurrkað snakk, fæðubótarefni, kjöteftirlíkingar, súkkulaðivörur og próteinálegg.
Hins vegar verða þeir, sem vilja ekki borða bjölluorma, að passa sig. Bjölluormar fá ekki eigið E-númer í innihaldsyfirlýsingum. Samkvæmt ESB þarf að tilgreina innihaldið „viðeigandi“ og í reglugerðinni er ormurinn hvorki kallaður bjöllulirfa né ormur heldur latneska heitið „alphitobius diaperinus“notað. Líklegt er að þetta heiti verði notað af framleiðendum, ekki síst vegna þess að það felur fyrir neytendur, að maturinn inniheldur orma.
Nýja samþykktin, sem gerir fyrirtækjum kleift að markaðssetja vörur úr bjöllulirfum með löglegum hætti, opnar ný viðskiptatækifæri og lægra verð fyrir neytendur er fullyrt.