ESB-þingmaður: „Sértrúarsöfnuður WEF er sá hættulegasti sem til er og hefur djöfullegar hugmyndir“

World Economic Forum er hættulegur „sértrúarsöfnuður“ þar sem milljarðamæringar, stjórnmálamenn og fjölmiðlar hittast til að ákveða, hvaða dagskrá eigi að hrinda í framkvæmd. Þetta fullyrðir króatíski Evrópuþingmaðurinn Mislav Kolakusic á myndbandi s.l. föstudag (sjá tíst neðar á síðunni).

ESB-þingmaðurinn Mislav Kolakusic er kominn aftur með nýja hispurslausa gagnrýni á glóbalistana. Að þessu sinni talar hann um fund World Economic Forum í Davos sem lauk í gær.

WEF er stærsta ógnin við réttarríkið, lýðræðið og frjálsan markað sem til er

„Þessa vikuna er hættulegasta ráðstefna heims, World Economic Forum, haldin í Davos í Sviss. Samkoman samanstendur af fyrirtækjum, milljarðamæringum, hagsmunagæslumönnum og stjórnmálamönnum sem voru kosnir með hjálp peninga þeirra.“

„Það er engin meiri ógn við réttarríkið, lýðræðið og frjálsan markað en þessi sértrúarsöfnuður, þar sem einkafjárhagsmunir hans eru mikilvægari en hagsmunir mannkyns. Það eru stærstu netsamtök samsærismanna, sem hafa sett dagskrána síðustu áratugi: stríð, heimsfaraldur og svokölluð græn umskipti, sem gera milljarða manns fátæka út um allan heim, á meðan þeir sjálfir verða gífurlega ríkir.“

Elítan á bæði fjölmiðla og stjórnmálamenn og koma því málum sínum í gegn

Samkvæmt Mislav Kolakusic standa þessar „elítur“ í rauninni fyrir djöfullegum hugmyndum. Og vegna þess að þeir eiga fjölmiðla og stjórnmál, þá koma þeir málum sínum í gegn.

„Þeir koma með illgjarnar hugmyndir, sem síðan eru útfærðar af þeim fjölmiðlum og stjórnmálamönnum sem þeir eiga.“

„Sjálfir halda þeir því fram, að hnattvæddum heimi sé best stjórnað af sjálfkjörnum fjölþjóðlegum fyrirtækjum, ríkisstjórnum og borgaralegum samtökum. Hugmynd þeirra er: Við veljum okkur sjálf, tökum ekki þátt í lýðræðislegum kosningum og það erum við sem stjórnum. World Economic Forum er samkvæmt skilgreiningu stærsti orsakavaldur spillingar í öllum heiminum, vettvangur þar sem þeir sem eiga þúsundir milljarða evra hitta þá, sem fara með pólitísk völd í heimalöndum sínum í Evrópu og heiminum. Á hverju ári koma tugir stjórnmálaleiðtoga til Davos til að taka við skipunum um, hvað eigi að gera á komandi tímabili. Og þetta gera þeir fúslega, vitandi að ferill þeirra stendur og fellur með þessum sértrúarsöfnuði.“

WEF hefur áður hafnað allri gagnrýni sem beint er að samtökunum og neitar því, að þau vilji koma á fót „alheimsstjórn.“

Deila