Meðhöndlun stjórnmálamanna á „loftslagskreppunni“ – sem að mati gagnrýnenda er blekking til að koma á sósíalisma í heiminum – mun útrýma frelsi venjulegs fólks. ESB-þingmaðurinn Rob Roos varar við þessu og segir, að Evrópa standi frammi fyrir dökkri framtíð sem líkist martröð, ef stefna loftslagdómsdagsspámanna verður ekki stöðvuð.
Hollenski ESB-þingmaðurinn Rob Roos, varaformaður evrópska íhaldsmanna- og umbótahópsins, gagnrýnir glóbalismann harðlega. Sérstaklega gagnrýnir hann alla loftslagsdómsdagsspámenn, sem nýlega tókst að knýja fram bann við nýjum bensín- og dísilbílum í ESB í síðasta lagi frá 2035. Sem er algert brjálæði að mati Roos. Hann sagði í ræðu á ESB-þinginu:
„Hver starfsmaður með sinn eigin bíl! Það er fín yfirlýsing. frá þeim tíma, þegar jafnaðarmenn stóðu enn með þjóðinni. Frá þeim tíma þegar hinir rótgrónu flokkar stóðu enn fyrir framförum. Sá tími er liðinn. Og hugsjónin um einkabíl fyrir alla er á leiðinni að hverfa.“
„VVD (stjórnarflokkurinn í Hollandi) ber nú meira að segja ábyrgð innan ESB á þeirri áætlun að leyfa aðeins rafbíla frá 2035. Slíkir bílar munu alltaf hafa hátt innkaupsverð vegna dýrra rafgeyma. Þar af leiðandi mun duglegt fólk með lágar tekjur ekki lengur geta keypt sér bíl og milljónir Hollendinga verða sviptir frelsi sínu. Tölum tæpitungulaust. Þetta er ekki óheppileg afleiðing af stefnunni. Nei, þetta er sjálf stefnan.“
Óttast enn frekari afleiðingar
„Með þessari stefnu ESB verður Holland að einni stórborg. Fullt af einingahúsum, fullt af innflytjendum og fullt af vindmyllum. Án bænda, án einkabíla og án frelsis. Það er það sem mun gerast.“
„Ég vil halda fallega Hollandi okkar. Ég vil halda frelsi okkar. Og þess vegna mun ég halda áfram að vera á móti þessari stefnu.“
Hlusta má á yfirlýsinguna á hollensku með enskum texta í tístinu hér að neðan: