Fáir eldri taka fleiri Covid-sprautur

Í Stokkhólmi hafa aðeins rúmlega 20% aldraðra tekið „örvunarsprautu vorsins“ gegn Covid, þrátt fyrir „ráðleggingar“ sænsku lýðheilsunnar.

Ekki einu sinni helmingur aldraðra í allri Svíþjóð yfir 80 ára hafa tekið ráðlagðan viðbótarskammt vorsins gegn Covid samkvæmt tölum lýðheilsunnar.

Hættulegasta lyf allra tíma

Bóluefnið gegn Covid hefur verið harðlega gagnrýnt af sérfræðingum og læknum og meðal annars verið kallað hættulegasta lyf allra tíma. Sérfræðingurinn Peter McCullough sagði þegar 2021, að hætta ætti fjöldabólusetningum. Aðrir læknar hafa sagt sprautuna vera „algera bilun“ og fullyrt, að bóluefnið sé ekki einu sinni bóluefni heldur „anti-bóluefni“ vegna þess að það hafi þveröfug áhrif og þeir bólusettu verði viðkvæmari gagnvart sjúkdómnum en þeir óbólusettu.

Sænska lýðheilsan heldur áfram að hvetja fólk 80 ára og eldra til að taka fleiri sprautur. Lýðheilsustöð skrifar á heimasíðu sinni:

„Hingað til hefur tæpur helmingur þess hóps, um það bil 48%, sem ráðlagt hefur verið að taka örvunarsprautu fyrir vorið, tekið sprautuna.“

Örvunarsprauta á vorin og haustin

Lýðheilsan ætlar að láta þá eldri taka örvunarsprautur á vorin og haustin. Sören Andersson deildarstjóri lýðheilsunnar, segir í yfirlýsingu:

„Til að viðhalda góðri vörn gegn alvarlegum veikindum Covid-19 er mikilvægt að svæði og yfirmenn öldrunarþjónustu sjái til þess, að þessi hópur verði bólusettur sem fyrst svo áhrifin verði ekki neikvæð vegna áætlaðra bólusetninga síðar í haust.“

Einungis 20% hafa tekið sprautuna í Stokkhólmi

Samkvæmt DN hafa aðeins um 20% aldurshópsins í Stokkhólmi tekið nýjasta áfyllingarskammtinn. Hversu margir hafa tekið sprautuna er mismunandi eftir landshluta. Það er mikið af bóluefni til á lager, segir lýðheilsan. Elda Sparrelid, yfirlæknir í Stokkhólmi, segir við DN, að það sé „vandamál í öllu landinu að fá þennan hóp til að taka annan skammt.“ Læknaákallið skrifar á Twitter:

„Sænskir ​​ríkisborgarar 80 ára og eldri eru góðir í að leggja rétt mat á áhættu á móti ávinningi – aðeins 47% þeirra hafa tekið viðbótarskammtinn af bóluefninu.“

Deila