Fyrrverandi eftirlitsmaður SÞ segir eldflaugarárás á Pólland ekki vera mistök
Í viðtali við bandaríska fyrrverandi eftirlitsmann Sameinuðu þjóðanna og leyniþjónustumanninn Scott Ritter í Youtube-þætti dómarans Andrew Napolitano er fullyrt, að eldflaugaárásin á Pólland á þriðjudag í síðustu viku, sem sögð er hafa verið gerð með úkraínskri loftvarnarflaug, hafi ekki verið mistök heldur „falsfánaaðgerð“ til að draga NATO inn í stríðið. Scott Ritter segir:
„Flugskeyti lenti í Póllandi með þeim afleiðingum að tveir létust. Við vitum núna, að það var úkraínsk S-300 loftvarnarflaug. Við vitum þetta. Við höfum raðnúmerið. Allt bendir gegn Úkraínu. NATO viðurkennir, að ferill eldflaugarinnar hafi verið rakinn inn í Pólland. NATO veit hvaðan flauginni var skotið á loft. Við vitum allt um þetta. Treystu mér, ég var vanur að vinna með þessa hluti.“
Ritter telur að öfl innan úkraínska hersins hafi áhuga á að víkka út stríðið. Rússar munu á næstunni senda 220.000 nýja hermenn í stríðið, sem Úkraína mun ekki ráða við, segir hann.
„Skiljum samhengi atburðanna. Úkraína varð fyrir 90 rússneskum flugskeytum, sem slógu út orkumannvirki Úkraínu. Her Úkraínu veit að það er ekkert sem þeir geta gert til að stöðva þetta nema Nató grípi inn í. Þeir þurfa Nató til að koma á flugbanni yfir Úkraínu. Það myndi bjarga þeim. Þess vegna held ég, að einhver í úkraínska hernum hafi ákveðið að senda þetta flugskeyti til Póllands.“
Ógerningur að lofvarnaeldflaug lendi í Póllandi vegna „mistaka“
„Af hverju? Rússnesku eldflaugarnar berast frá austri til vesturs. Loftvarnarskeytin virka þannig, að stór ratsjá skynjar þetta. Svo er minni ratsjá lengra fram, sem leiðir loftvarnarflaugina frá vestri til austurs til að skjóta niður árásarflaugina. En þessi eldflaug fór frá austri til vesturs inn í Pólland. Hvernig getur það gerst? …..Ég veit af reynslu, að til að breyta loftvarnarflaug í eldflaug sem fylgir ákveðinni braut, þá þarf að ákvarða ratsjárpunkt á himninum, sem stýrir eldflauginni, sem síðan tekur brautina niður. Einhver í Úkraínu setti ratsjárskrift á himininn yfir Póllandi, sem stýrði flugskeytinu til Póllands. Það er eina leiðin til þess að flugskeytið hafi lent í Póllandi.“
„Þannig að þetta var falskur fáni“ segir Andrew Napolitano. Volodomyr Zelensky, forseti Úkraínu, þarf hins vegar ekki að hafa vitað um árásina, telur Ritter. Þess í stað gæti úkraínski herinn hafa ákveðið aðgerðina í samráði við Póllandi.
Ekki víst að Zelenskí hafi vitað um falsfánaaðgerðina
„Sjáðu hvað gerðist strax þegar þetta var tilkynnt. Ríkisstjórnir Póllands og Eystrasaltsríkjanna komu fram og sögðu að „árásin“ varðaði grein fjögur (í NATO-sáttmálanum). Það mistókst, því fullorðna fólkið í herberginu sagði nei. Allir bökkuðu, nema Zelensky. Vegna þess, að ég held, að hann hafi ekki vitað um það.“
„Sem sagt. Það er engin leið að flugskeytið hafi lent í Póllandi án ratsjárpunkts á himni. Og það var aðeins hægt að gera það með úkraínskri ratsjá.“
Annar vinsæll sérfræðingur í bandaríska hernum, Douglas Macgregor ofursti í hernum á eftirlaunum, telur hins vegar að atvikið hafi verið slys. Sjá má umræðurnar á myndböndum hér að neðan:
