Faraldurinn var faraldur ríkisstjórna um allan heim sem ýttu til hliðar stjórnarskrám og mannréttindum

Robert Malone á sviðinu

Covid faraldurinn var fyrst og fremst faraldur ríkisstjórna um allan heim sem ýttu til hliðar stjórnarskrám, mannréttindum, lögum og reglum. Þetta var meðal þess sem fram kom á alþjóðlegri læknaráðstefnu í Stokkhólmi þar sem saman komu læknar, vísindamenn og sérfræðingar sem hafa leitast við að varpa ljósi á hvað raunverulega gerðist á meðal Covid stóð sem hæst. Í þættinum Heimsmálin, fréttir og fréttatengt efni af erlendum vettvangi greindi Gústaf Skúlason fréttamaður í Stokkhólmi frá því sem fram kom á ráðstefninni í viðtali við Pétur Gunnlaugsson, en Gústaf var viðstaddur ráðstefnuna.

Gústaf segir að flestir þeir sem hafi komið fram á pallborði ráðstefnunnar hafi haft eigin reynslu af því að hafa verið útilokaðir af samfélagsmiðlum, hundeltir og niðurlægðir af stórum fjölmiðlum og jafnvel misst embætti vegna þess eins að þeir hafi reynt að koma hinum raunverulega sannleika fram í dagsljósið.

Hann segir augljóst að það sé gríðarlega barátta milli vísindamanna sem vilja að sannleikurinn komi fram við öfl sem vilja víkja vísindafólki og sannleikanum til hliðar fyrir önnur markmið. Það hafi yfirskrift pallborðsumræðna einnig borið með sér en hún var: Gróði glóbalista eða heilsa á heimsvísu.

Meðal annara sem fram komu voru læknirinn Aseem Malhotra sem sjálfur lét bólusetja sig tvisvar. Í ræðu sinni sagði læknirinn mikilvægast að taka á þeirri upplýsingaóreiðu sem hefur verið sett fram af fjölmiðlum vegna faraldursins, það eigi ekki að vera þannig að menn þurfi að standa í stríði við að koma sannleikanum á framfæri, segir Aseem. Þá segir Aseem að þó það sé ekki hættulaust að tala um sannleikann sé það afar mikilvægt að menn ræði saman um sannleikann og láti ekki þagga niður í sér.

Aseem segir almenning berskjaldaðan fyrir pólitískum og viðskiptalegum hagsmunum en leggur áherslu að menn gefist ekki upp fyrir hagsmunaöflunum. Hann segir Covid lyfin hafi verið þau óöruggustu í sögu læknavísindanna en hafi að sama skapað mesta gróða sem um getur í sögu lyfjafyrirtækja á borð við Pfizer.

Annar sem tók til máls á ráðstefnunni var hinn heimsþekkti læknir Robert Malone og ræddi Gústaf við Malone.

Robert Malone ávarpaði hlustendur Útvarps Sögu og sagðist ánægður að geta ávarpað hlustendur á Íslandi og sagðist stoltur af því að geta deilt með hlustendum þessari vegferð tjáningarfrelsisins. Hann sagðist vita að íslendingar væru hugrakkir og hefðu öldum saman staðið með sannleikanum. Það væri einmitt það sem þyrfti, stríðsmenn sannleikans sem trúa á frelsið. Sannleikurinn væri eins og ljónið, sem þyrfti bara að vera látið í friði því það verji sig sjálft.

Á ráðstefnunni var einnig stödd Svala Ásdísardóttir einn meðlima samtakanna Málfrelsi og tók Gústaf hana tali.

Ásdís sagðist vera komin á ráðstefnuna til þess að fylgjast með máli málanna og bjóða sérfræðingum á ráðstefnunni að koma til Íslands, enda séu þeir sem tali á ráðstefnunni að berjast einnig fyrir málfrelsinu. Hún segir að félagar í félaginu Málfrelsi líti á ráðstefnuna sem eina af þeim leiðum til þess að lyfta umræðunni og hleypa réttmætum upplýsingum að og stöðva þöggunina.

Smellið á spilarann hér að neðan til að hlusta á þáttinn.

Deila