Vestræn ríki standa frammi fyrir alþjóða valdaráni glóbalista eins og World Economic Forum (WEF) og stjórnmálamanna sem nánast virka sem fimmta herdeildin á þjóðþingum. Lýðræðið hefur meira og minna verið afnumið og eins konar „fasisma“ komið á í staðinn. Þetta segir heimspekingurinn Jacob Nordangård höfundur bókarinnar The Global Coup í nýju viðtali við Swebbtv.
„Þetta er hreinræktuð illmennska“
Í upphafi var að mestu litið á covid-19 sem veiru og sjúkdóm en það breyttist síðan í afsökun fyrir stjórnmálamenn til að innleiða harðari „ráðstafanir“ að einu eða öðru leyti.
Stofnanir eins og World Economic Forum hafa verið í forystu fyrir að „berjast gegn heimsfaraldrinum.“
Reyndar hafa þessir hópar áhuga á einhverju allt öðru og hafa miklu stærri dagskrá, að sögn Jacob Nordangård. Heimsfaraldurinn er orðinn að verkfæri, rétt eins og loftslagið, til að kynna nýja heimsskipan. En heimsfaraldurinn hefur ekki alveg getað komið í stað hinnar meintu „loftslagskreppu“.
– Nei, þetta hefur ekki komið í stað loftslagsmálanna, þau eru engu að síður í bakgrunninum. Þau er miðlægur og mikilvægur þáttur í dagskránni. En heimsfaraldurinn og loftslagið eru hlutar af sömu dagskrá. Það er sama markmið sem er uppfyllt, segir Nordangård í Swebbtv.
– Ég myndi ekki segja, að heimsfaraldurinn sé liðinn. Það er búið að keyra á honum í um það bil tvö ár. Nú er verið að athuga, hvernig fór. Hvað virkaði og hvað virkaði ekki. Hvernig er hægt að breyta kerfinu þannig, að í næsta sinn þegar eitthvað álíka gerist, þá er hægt að framkvæma það með enn meiri skilvirkni. Í þetta sinn var öll uppsetningin mjög átakanleg. Fólk var óundirbúið. En næst veit fólk hvernig það á að haga sér. Það er búið að prófa það. Þannig að í næsta skipti, þá verða mun skilvirkari áætlanir til staðar.
Bill & Melinda Gates foundation er stærsti fjármögnunaraðili WHO
Að sögn Jacobs Nordangård er þetta tengslanet ýmissa alþjóðlegra aðila sem starfa saman í bakgrunninum, þar á meðal SÞ og WHO.
– Þeir hafa verið miðlægir og sent út tilmæli sín til lýðheilsustofnana í heiminum. En þetta snýst líka um stofnanir sem sköpuðu sjálfa frásögnina, segir hann og bendir á Rockefeller Foundation og Bill & Melinda Gates Foundation, sem virka meðal annars sem hugveitur, þar sem aðrir hópar og háskólar eru einnig með.
– Fyrir þær verður mjög áhugavert að skilgreina það, sem gerðist meðan á heimsfaraldrinum stóð.
– Rockefeller byggði upp læknarannsóknir og alþjóðlegar stofnanir þegar á 20. öldinni, þar á meðal forvera WHO. Þeir tóku því þátt í því að móta WHO. Bill & Melinda Gates Foundation hefur tekið yfir mikið af þessari heilsuáætlun. Þau eru einn stærsti fjármögnunaraðili WHO. Og þetta eru afar mikilvægar kapítalískar fjölskyldur.
Agenda 2030 og fjórða iðnbyltingin
Samkvæmt Nordangård er önnur greinin World Economic Forum, sem hefur þróast upp í tenglamiðstöð fyrir alla. WEF er jafnvel sjálf þungamiðjan, þar sem stofnanir SÞ og stór fyrirtæki eins og lyfjarisarnir koma saman. Mikið af stefnunni hefur verið samin innan WEF.
– Það er samstarf á milli World Economic Forum og SÞ, sem fjölmiðlar tala ekkert um. Ætlunin er að móta heilsustefnu framtíðarinnar.
Allt er hluti af hinni svokölluðu fjórðu iðnbyltingu, þ.e samruni hins líffræðilega – mannlega – og þess tæknilega. Nú getur fólk til dæmis fengið læknisráðgjöf í gegnum tölvuna og hefur sá valkostur orðið sífellt venjulegri í heimsfaraldrinum.
Öflin á bak við þessa stefnuskrá komu þegar saman ár 2016.
– Hin nýju hnattrænu markmið, Agenda 2030, eru sameinuð í fjórðu iðnaðarbyltingunni, sem SÞ og WEF vinna sameiginlega að samkvæmt samstarfssamningi.
WEF – sjálfsaðdáendur með stórmennskubrjálæði
World Economic Forum, sem Jacob Nordangård bendir á sem leiðandi aðilann, er algjörlega opinskátt með alþjóða stefnu sína. Það má velta ástæðunni fyrir sér. Kannski eru þetta narsisistar með mikilmennskubrjálæði með fjölmiðlana um borð. Það verður líka auðveldara að safna saman „meðlimunum“ ef tilskipanir og hugmyndakerfið er sett fram á auðveldan hátt á netinu.
Markmiðið er að nota fjórðu iðnbyltinguna, sem Kína hefur einnig innleitt, til að framkvæma Agenda 2030, segir Nordangård. Það snýst meðal annars um að koma á alþjóðlegu heilbrigðisikerfi, sem til dæmis inniheldur bólupassann.
Bankarnir gegna lykilhlutverki. Og pólitíska hluta dagskrárinnar er aðallega stjórnað innan G20 hópsins. Ár 2009 var „alheimsstjórnun jarðar“ ákveðin sem regla og hefur hún eflst allan tímann.
– Fjórða iðnbyltingin er vel skjalfest. Það eru engin leyndarmál. Efnið er á þeirra eigin vefsíðum. Þeir tala opinskátt um stefnuna.
– Þegar stefnan nær til G20 hefur hún verið meðhöndluð á mörgum stöðum. Allur heimsfaraldurinn hefur í raun verið undirbúinn. Ég held að þetta hafi byrjað að verða skilvirkara þegar í svínaflensunni. Þetta er eins og handrit. Allt verður samræmt. Það er það sem hefur verið svo sjúkt, sem átti sér stað í heimsfaraldrinum, að það hefur verið svo líkt. Það hefur mátt heyra sömu skilaboðin endurtekin alls staðar í fjölmiðlum. Ræður leiðtoga hafa verið nánast orðréttar, segir Jacob Nordangård.
Handvelja fólk í góðu embættin
Hann kemur einnig inn á verkefni WEF „Alþjóðaleiðtogar heimsins“ sem inniheldur fjölda stjórnmálamanna í heiminum.
– Þetta snýst um að World Economic Forum handvelji fólk, til dæmis frá háskólum og fyrirtækjum, til náms í heimspeki World Economic Forum. Þeir fá aðgang að neti valdamikilla aðila með mikla peninga. Það eru gríðarlegir starfsmöguleikar fyrir þá, sem eru valdir. Þeir fara beint í toppstöður í viðskiptum eða stjórnmálum.
– Og undanfarinn var þegar til staðar ár 1992 með Angela Merkel, Tony Blair, fv. forseta framkvæmdastjórnar ESB, José Manuel Barroso, Bono og Bill Gates. Það ár voru 200 manns á námsskeiðinu. Mjög margir fengu leiðandi stöður í ríkisstjórnum og stórfyrirtækjum. Svipað fólk hefur útskrifast á hverju ári, þar á meðal frá Google og Facebook.
Og í rauninni er þetta ekkert leyndarmál heldur, þótt fjölmiðlar þegi um það.
– Stofnandi WEF Klaus Schwab er stoltur af þessu. Hann segir að þetta séu „hans menn“ og að hann „stingi sér á kaf í“ ríkisstjórnir heims. Nordangård bendir á, að margir þeirra leiðtoga, sem hafa verið einna öfgafyllstir með covid-lokanir í heimsfaraldrinum, tengjast WEF.
Meðfærilegir narsissistar valdir sem „heimsleiðtogar“
Það er ekki óalgengt að meðfærilegir narsissistar séu valdir sem „alþjóða leiðtogar heims“ að sögn Nordangård. Hann hefur fundið um 2.800 nöfn, þar á meðal nokkra sænska stjórnmálamenn, sem tengjast WEF.
– Þetta er hið alþjóðlega valdarán, sem farið hefur hljóðlaust fram í lengri tíma. En í mars 2020, þegar ýtt var á covid hnappinn, þá kom það skýrt í ljós. Jacob Nordangård leggur áherslu á að:
– Þetta er andstæða lýðræðis. Þetta er stefna, sem deilir einni og sömu skoðun og hefur eina lausn fyrir allan heiminn. Það er ekkert lýðræði til. Þetta er tæknikratí. Þingið er ekki áhugavert. Lög um heimsfaraldurinn eru dæmi um, hvernig skautað er framhjá þinginu.
Þetta er ein af ástæðunum fyrir því, að sænskir stjórnmálaflokkar líkjast hverjir öðrum sífellt meira.
Sjálfstæðir stjórnmálamenn sjást ekki lengur
– Þetta snýst um úrvalshóp fólks, sem finnst það sérstaklega valið. Þeir eru valdir af World Economic Forum til að móta hið nýja alþjóðasamfélag og yfirstétt þess. Þeir umgangast og deila sömu gildum. Þeir taka svo stefnuna, sem er ákveðin yfir höfðum okkar, aftur til heimalandanna. Það er til annað orð yfir það, þegar stór fyrirtæki og ríkið verða eitt. Það er fasismi, segir Nordangård.
Fasismi er samkvæmt skilgreiningu stjórnarform, þar sem fyrirtæki og ríki renna saman í úrvalssamfélagi, sem er stjórnað að ofan og einstaklingurinn er á botninum.
— En þetta má ekki gagnrýna. Þá er maður vondur.
Nordangård telur allt þetta sjáanlegt hjá stjórnmálamönnum nútímans, ef grannt er skoðað.
– Maður sér ekki lengur sjálfstæða stjórnmálamenn, maður heyrir engan tala frá hjartanu. Þetta er eins og skáldskapur tekinn úr handriti. Þeir duglegir að framkvæma verkefni. Þeir eru góðir teknókratar. En þeir eru ekki góðir leiðtogar eins og voru, þegar lýðræðið fæddist fyrir hundrað árum. Þá vildu stjórnmálamenn eitthvað og töluðu fyrir málstaðnum. Þeir vildu byggja upp betra samfélag. Í dag geta stjórnmálamenn notað sömu innihaldslausu ræðuna. Við höfum fengið stjórnmálastétt með eigin hagsmuni. Þeir tilheyra ekki lengur almennum kjósendum. Og þeir sem reyna það eru lagðir í einelti (sjá t.d. Håkan Juholt, sem var lagður í einelti og flæmdur úr formennsku sósíaldemókrataflokksins).
Verið að þróa nýtt efnahagskerfi með inneign byggða á koltvísýrlingi
Það er líka hægt að sjá hvernig stjórnmál sem slík snúast oft um heimsmarkmið, segir Nordangård.
– Þetta hefur breyst mjög greinilega á nokkrum áratugum. Það er ekki margt, sem við getum ákveðið sjálfstætt hér á landi lengur.
Á sama tíma er verið að þróa nýtt efnahagskerfi, að sögn Jacobs Nordangård. Í núverandi kerfi eru skuldirnar orðnar svo miklar, að þær eru í rauninni eins konar pýramídakerfi og þar með ekki sjálfbærar. Í framtíðinni verður hægt að fá inneign byggða á koltvísýrlingi.
– Lengi hefur verið rætt um, hvernig eigi að koma með nýja hagfræðilega lausn, byggða á koltvísýrlingi eða orku, sem byggir á því, hversu mikil orka hefur farið í að framleiða eitthvern hlut. Þetta er hin tæknikratíska skoðun, að peningar séu orka. Þú færð fjárhagsáætlun, koltvísýrlingskvóta, sem á að duga í einn mánuð. En það er ekki hægt að spara neitt, heldur færð nýjan kvóta í næsta mánuði. Og skammturinn minnkar á hverju ári, sem þú verður að laga þig að. Til dæmis, ef þú ætlar að kaupa þér steik, mun líklega allur mánaðarskammturinn fara í kaupin. Það er rætt um að skapa kolefnishlutlausa framtíð, segir Nordangård og kallar það „mjög viðbjóðslegt kerfi“.
Þróast að lokum upp í félagslegt lánakerfi kommúnismans
Að lokum getur þetta þróast í félagslegt lánakerfi svipað og í Kína.
– Allir fá sömu upphæð frá upphafi. En þú færð kannski meira eða verður refsað og færð aðeins minna, eftir því hvað þú velur, hvaða venjur og vini þú hefur eða hvað þú segir á samfélagsmiðlum. Lífið er einfaldlega stigasett. Og þeir sem gæta sín ekki fá mun erfiðara líf eða verða í versta falli útilokaðir. Stjórn byggð á eftirliti kemur með stafrænum gjaldmiðli í stað reiðufjár. Það verður hægt að grípa til afgerandi aðgerða.
– Stafrænt auðkenniskerfi er innifalið í heimsmarkmiðunum. Og margt tengist þessu. Maður þarf að auðkenna sig um leið og maður þarf að gera eitthvað, heldur Jacob Nordangård áfram og bendir á:
– Þetta er hræðilegt kerfi. Hræðilegt. Maður þarf varla fangelsin lengur. Samfélagið sjálft verður að fangelsi. Það er hreinræktuð illmennska.
Og samkvæmt Nordangård er mikið af svokölluðum loftslagsmálum og allt tal um endurnýjanlega orku bara svindl. Stjórnmálamenn eru reknir áfram af öðru, ekki síst fáfræðinni.
– Reyndu að byggja vindmyllu án jarðefnaorku. Það er ósjálfbært. Horfðu á auðlindirnar sem þarf til að framleiða og smíða þær. Svo ekki sé minnst á hversu mikið þú eyðileggur náttúruna.
Útópía að byggja vindmyllur án jarðefnaorku
– Það er ekki hægt að búa til kerfi sem byggir á endurnýjanlegri orku. Það er útópía. Það gengur ekki upp.
Á sama tíma leita sömu alþjóðaðilar eftir transhumanisma, það er hugmyndin um að nota tækni til að „bæta“ líkamlega og andlega hæfileika mannsins.
Í gegnum heimsfaraldurinn hafa gríðarlegar tækniframfarir orðið mjög hratt.
En það er samt ljós í myrkrinu. Heimsfaraldurinn hefur einnig leitt í ljós valdaskipulag hnattræningjanna. Að vísu hafa þeir sýnt stefnu sína opinberlega á netinu jafnvel áður en fáir hafa tekið eftir því eða verið sama. Nú hefur hún verið dregin út í ljósið og gæti sprungið.
— Núna er stefnan sýnileg. Og því sýnilegri sem hún er, því minni kraft hefur hún. Hún hefur lifað af vegna þess að hún hefur ekki sést, segir Jacob Nordangård.
