Útvarp Saga kynnir rithöfundinn Frederick William Engdahl, sem hefur ritað fjölda bóka um markmið glóbalistanna að leggja heiminn undir sig og sína stjórn. Hér birtum við í lausri þýðingu megin innihald greinar, sem F. William Engdahl skrifaði og birti á heimasíðu sinni fyrir nokkru um, hvernig Black Rock í samvinnu við alþjóða stofnanir eins og Sameinuðu þjóðirnar og World Economic Forum lagði grunninn að þeirri orkukreppu sem nú skekur hinn vestræna heim. Í nafni loftslagsguðsins er verið að umbylta flæði fjármagns og binda við rétttrúnað loftslagstrúboða. Það þýðir að hefðbundin orka er skilin eftir í fjársvelti og hægfara dauða. Skilgreining og frásögn Engdahl á erindi til allra sem láta atburði dagsins í heiminum sig varða og vilja fá sannar upplýsingar sem ekki fást hjá stóru fjölmiðlunum.
Hvernig Larry Fink forstjóri Blackrock skapaði orkukreppu alheims
Flestir standa ráðalausir frammi fyrir alþjóða orkukreppunni, þar sem verð á olíu, gasi og kolum hækkar samtímis og neyðir jafnvel helstu iðnaðarfyrirtæki í heiminum, sem nota rafmagn til framleiðslunnar eins og áls og stáls og kemískra efna, til að hætta starfseminni. Biden-stjórnin og ESB fullyrða, að allt sé þetta Pútín og Rússlandi að kenna sem eru í stríði við Úkraínu. En það er ekki allur sannleikurinn. Orkukreppan er fyrir löngu síðan skipulögð stefna vestrænna risafyrirtækja og stjórnmálahópa til að brjóta niður iðnaðarhagkerfi þjóða í nafni græna hagkerfisins, hins svo kallaða hringrásarefnahagskerfis. Ákvarðanirnar eiga rætur sínar að rekja til ára löngu fyrir febrúar 2022, þegar Rússar réðust á Úkraínu.
Blackrock ýtir öllum út í græna samfélagskerfið
Í janúar, 2020, í aðdraganda hinna efnahagslega og félagslega hörmulegu Covid lokun, gaf forstjóri stærsta fjárfestingarsjóðs heims, Larry Fink hjá Blackrock, út bréf til samstarfsmanna sinna á Wall Street og forstjóra fyrirtækja um framtíða fjárfestingar. Í skjalinu, sem ber hinn hógværa titil Grundvallarbreyting fjármálanna „A Fundamental Reshaping of Finance“ tilkynnti Fink, sem stýrir stærsta fjárfestingarsjóði heims með um 7 trilljónir Bandaríkjadala þá í stjórn, um róttækt brotthvarf fyrirtækjafjárfestinga. Peningarnir yrðu „grænir.“ Flink lýsti yfir í bréfi sínu frá 2020, sem fylgst var grannt með:
„Í náinni framtíð – og fyrr en flestir gera ráð fyrir – verður umtalsverð endurúthlutun fjármagns… Loftslagsáhætta er fjárfestingaráhætta. Sérhver ríkisstjórn, fyrirtæki og hluthafar verða að horfast í augu við loftslagsbreytingarnar.“
Í sérstöku bréfi til viðskiptavina Blackrock fjárfesta, afhenti Fink nýja dagskrá fyrir fjármagnsfjárfestingar. Hann lýsti því yfir, að Blackrock myndi hætta ákveðnum kolefnisríkum fjárfestingum eins og kolum, stærsta raforkugjafa Bandaríkjanna og margra annarra landa. Hann bætti við, að Blackrock myndi skoða nýjar fjárfestingar í olíu, gasi og kolum og ákvarða fylgni þeirra við „sjálfbæra“ stefnu Sameinuðu þjóðanna Agenda 2030.
Fink gerði ljóst, að stærsti sjóður heims myndi draga úr fjárfestingum í olíu, gasi og kolum. Fink skrifar:
„Með tímanum munu fyrirtæki og stjórnvöld sem bregðast ekki við hagsmunaaðilum og takast á við sjálfbærniáhættu mæta vaxandi tortryggni frá mörkuðum og hærri fjármagnskostnaði. Loftslagsbreytingar eru orðnar afgerandi þáttur í langtímaviðhorfi fyrirtækja … við erum á mörkum grundvallar endurmótun fjármálanna.“
Fjármálastarfssemin aðlöguð umhverfis-félagslega stýrðum fjárfestingum – ESG
Frá þeim tímapunkti hafa hinar svokölluðu umhverfisfélagslegu stýrðu fjárfestingar – „ESG fjárfestingar“ (ESB= Environmental, Social, Governance), sem refsa fyrirtækjum sem losa koltvísýring eins og ExxonMobil, – komist í tísku meðal vogunarsjóða og Wall Street banka og fjárfestingarsjóða þar á meðal State Street og Vanguard. Slíkur er kraftur Blackrock. Fink tókst einnig að fá fjóra nýja stjórnarmenn í ExxonMobil til að skuldbinda sig til að binda enda á olíu- og gasviðskipti fyrirtækisins.
Bréf Fink í janúar 2020 var stríðsyfirlýsing risafjármálajöfra gegn hefðbundnum orkuiðnaði. BlackRock var stofnaðili Fjárfestingahóps með fjármálaupplýsingar varðandi loftslagsmál (TCFD – „Task Force on Climate-related Financial Disclosures“) og hefur skrifað undir Grundvöll ábyrgra fjárfestinga, sem Sameinuðu þjóðirnar nota fyrir fjárfesta sem styðja núll kolefnislosunarmarkmiðið sem hið spillta umhverfisfélagsstýrða ESB kerfi vinnur að. Það er ekkert hlutlægt eftirlit á falsgögnum ESG fyrir fyrirtækin. Blackrock skrifaði einnig undir yfirlýsingu Vatíkansins 2019 sem styður ríkisstjórnir sem verðsetja kolefni. BlackRock gekk einnig til liðs við „Loftslagsaðgerðir 100″ árið 2020, sem er bandalag tæplega 400 fjárfestingarstjóra sem stjórna 40 trilljónum Bandaríkjadala.
Ein trilljón dollara hafa horfið úr fjárfestingum í olíu- og gasiðnaði
Með þessu örlagaríka forstjórabréfi í janúar 2020, setti Larry Fink af stað gríðarlegan samdrátt í fjárfestingum í trilljóna dollara olíu- og gasgeiranum. Athyglisvert er, að sama ár var Larry Fink skipaður í trúnaðarráð Klaus Schwabs hjá World Economic Forum, sem mynda fyrirtækjalegt og pólitískt samband við núll losunar dagskrá SÞ ár 2030. Í júní 2019 undirrituðu World Economic Forum og Sameinuðu þjóðirnar stefnumótun samstarfsramma til að flýta fyrir innleiðingu 2030 dagskrárinnar. WEF er með stefnumótandi upplýsingavettvang sem inniheldur 17 markmið Agenda 2030 um sjálfbæra þróun.
Í bréfi forstjórans á 2021, tvöfaldaði Fink árásirnar á olíu, gas og kol:
„Í ljósi þess hversu miðlæg orkubreytingin verður fyrir vaxtarmöguleika hvers fyrirtækis, þá biðjum við fyrirtæki um að birta áætlun um hvernig viðskiptamódel þeirra mun vera í samræmi við hreint núll-losunar-hagkerfið.“
Annar yfirmaður BlackRock sagði á nýlegri orkuráðstefnu „þar sem BlackRock fer, munu aðrir fylgja á eftir.“ Á aðeins tveimur árum að 2022 meðtöldu, þá er áætlað að ein trilljón dollara hafi horfið úr fjárfestingum í olíu- og gasleit og þróun á heimsvísu. Olíuvinnsla er kostnaðarsöm og lokun á erlendri fjárfestingu BlackRock og annarra fjárfesta á Wall Street veldur hægum dauða iðnaðarins.
Joe Biden — forseti fyrir BlackRock?
Jóe Biden átti snemma fund fyrir lokuðum dyrum síðla árs 2019 með Larry Fink, sem sagði frambjóðandanum „að hann væri til aðstoðar.“ Eftir þann örlagaríkan fund tilkynnti forsetaframbjóðandinn Biden: „Við ætlum að losa okkur við jarðefnaeldsneyti…“ Áður en Biden var settur í embætti forseta í janúar 2021, þá tilnefndi hann Brian Deese, yfirmann sjálfbærra fjárfestinga hjá Black Rock, sem aðstoðarmann forsetans og forstjóra Þjóðhagsráðs. Deese, sem gegndi lykilhlutverki fyrir Obama við gerð Parísarsamningsins um loftslagsmálin árið 2015, hefur – án þess að á því hafi borið, mótað stríð Biden gegn orkunni.
Þetta hefur haft skelfilegar afleiðingar fyrir olíu- og gasiðnaðinn. Deese var duglegur að gefa hinum nýja forseta lista yfir árásir á olíu- og gasviðskipti til undirritunar með framkvæmdaskipun þegar á fyrsta degi í janúar 2021. Meðal annars að loka hinni risastóru Keystone XL olíuleiðslu sem flutti 830.000 tunnur á dag frá Kanada allt að hreinsunarstöðvum í Texas. Biden gekk einnig aftur til liðs við Parísarsáttmálann, sem Deese hafði samið fyrir Obama árið 2015 og Trump dró Bandaríkin úr.
Sama dag kom Biden á„félagslegum kolefniskostnaði“ sem er 51 dollara gjald fyrir hvert tonn af CO2 í olíu- og gasiðnaðinum. Þessi eina ráðstöfun, sem tekin er eingöngu í tilskipun forsetans án samþykkis þingsins, felur í sér hrikalegan kostnað við fjárfestingu í olíu og gasi í Bandaríkjunum, landi sem aðeins tveimur árum áður var stærsti olíuframleiðandi heims.
Drepa getu hreinsunarstöðva
Það sem er jafnvel verra, er að árásargjarnar umhverfisreglur Biden og BlackRock ESG fjárfestingaheimildia eru að drepa getu bandarísku olíuhreinsunarstöðva. Án hreinsunarstöðva skiptir ekki máli hversu margar tunnur af olíu eru teknar úr olíuforðabúrinu. Á fyrstu tveimur árum forsetatíðar Biden hafa Bandaríkin lokað hreinsunargetu fyrir um 1 milljón tunna á dag af bensín og dísil, sumar vegna hruns eftirspurnar í Covid, sem er hraðasta samdráttur í sögu Bandaríkjanna. Lokanirnar eru varanlegar. Árið 2023 er gert ráð fyrir að 1,7 milljón olíutunna afkastagetu verði lokað í viðbót vegna fjárfestingasamdráttar BlackRock og Wall Street og reglugerða Bidens.
Forstjóri Chevron sagði í júní 2022, með vísan til mikillar samdráttarstefnu Wall Street í olíu og anti-olíustefnu Biden stjórnarinnar, að hann trúi því ekki að Bandaríkin muni nokkurn tíma byggja aðra nýja hreinsunarstöð.
Larry Fink, stjórnarmaður í World Economic Forum, hefur ESB til liðs við sig en núverandi forseti framkvæmdastjórnar ESB, hin alræmda spillta Ursula von der Leyen, hætti í stjórn WEF árið 2019 til að verða forseti framkvæmdastjórnar ESB. Fyrsta stóra verk hennar í Brussel var að knýja í gegn dagskrá ESB um núlllosun. ESB hefur lagt á mikla kolefnisskatta og aðrar takmarkanir á olíu, gas og kol í ESB löngu fyrir árás Rússa í Úkraínu í febrúar 2022. Sameinuð áhrif Fink sviksamlega ESG-dagskrár í Biden-stjórninni og núll-losun ESB hafa skapað verstu orku- og verðbólgukreppu sögunnar.
Hér að neðan má heyra viðtal við F. William Engdahl um hlutdeild BlackRock í sköpun alheims orkukreppunnar:
