Flokkur Bolsonaro í Brasilíu kærir útkomu kosninganna til kjörstjórnar vegna bilaðra talningavéla

Stjórnmálaflokkur Jairs Bolsonaro, forseta Brasilíu, hefur formlega kært úrslit nýafstaðinna kosninga í landinu til kjörstjórnar. Stóru fjölmiðlarnir hafa flestir lýst sósíalistanum og dæmda og sleppta glæpamanninum Lula sem sigurvegara kosninganna í Brasilíu. Jafnframt þegja sömu miðlar yfir þeirri stjórnmáladeilu sem er í gangi milli vinstri og hægri fylkinga í landinu og ljúga um skýrslu varnarmálaráðherrans og segja hann hafa lýst yfir réttmæti niðurstöðu kosninganna, sem er rangt. Og alls ekki er minnst á fjöldamótmæli almennings sem biður herinn að grípa inn og stöðva valdatöku Lula.

Hæstaréttadómarinn sem lét Lula lausan úr fangelsi er einnig yfirmaður yfirkjörstjórnar Brasilíu

Samkvæmt France 24 hefur Jair Bolsonaro, forseti Brasilíu, formlega mótmælt niðurstöðum kosninganna sem hann tapaði í síðasta mánuði fyrir vinstrisinnaða keppinautnum Luiz Inacio Lula da Silva, samkvæmt kæru, sem lögð var fram til kosningayfirvalda, þar sem farið er fram á, að atkvæði frá sumum kosningavélum verði gerð „ógild.“

Alexandre de Moraes, hæstaréttardómari sem kvað upp dóminn um að sleppa Lula úr fangelsi, er formaður yfirkjörstjórnar, sem hefur þegar lýst yfir sigri Lula. Hann gaf kosningabandalagi Bolsonaro 24 klukkustundir til að leggja fram „heildarskoðun á báðum umferðum í atkvæðagreiðslunni, að öðrum kosti myndi yfirkjörstjórn hafna kærunni.“ Bandalag Bolsonaro sagði að úttekt þeirra á seinni umferð kosninganna 30. október milli Bolsonaro og Lula hefði fundið „merki um bilanir í sumum rafrænum kosningavélum.“ Bandamenn Bolsonaro sögðu:

„Það voru merki um alvarlegar bilanir sem valda óvissu og gera það ómögulegt að sannreyna niðurstöðurnar.“

Vill sekta flokk Bolsonaro með 4,1 milljón dollara og frysta eigur flokksins

Vinstrisinnaði hæstaréttardómarinn Alexandre de Moraes hafnaði í stöðu yfirmanns kjörstjórnar kæru bandalags Bolsonaro og hótar að sekta flokkinn með 4,1 milljón dollarasekt og frysta bankareikninga flokksins. Jafnframt vill hæstaréttadómarinn láta rannsaka formann flokksins eftir að flokkurinn birti skýrslu um stórfelld kosningasvik í Brasilíu.

Skýrslan var kynnt s.l. þriðjudag og sagði að ekki sé hægt að treysta niðurstöðum kosninganna. Með því að nota aðeins niðurstöður úr öruggum rafrænum kosningavélum, komst flokkurinn að þeirri niðurstöðu, að Jair Bolsonaro forseti hafi hlotið 51,05% atkvæða og Lula da Silva 48,95%. Skýrslan um bilun talningavéla sem Valdemar Costa Neto, flokki Bolsonaro, lagði fram til yfirkjördómstóls bendir á „alvarlegt og óbætanlegt“ ósamræmi í virkni hluta rafrænu kosningavélanna.

Meginfjölmiðlar þegja yfir staðreyndum en greina frá orðum sósíalista eins og um staðreyndir væri að ræða

Fyrri rannsóknir gerðar af argentínska ráðgjafanum Fernando Cerimedo og endurskoðun hersins hafa einnig leitt í ljós alvarleg vandamál með kosningavélarnar. Í skýrslu hersins koma fram sannanir um „aðgang að vélunum gegnum forritið sem væri mikil hætta fyrir öryggi ferlisins.“ Í skýrslunni sem Paulo Sergio Nogueira hershöfðingi og varnarmálaráðherra lagði fram var komist að þeirri niðurstöðu að:

„Ekki er hægt að staðfesta að rafræna kosningakerfið sé laust við áhrif skaðlegs kóða, sem gæti breytt starfsemi þess.“ Hershöfðingi Nogueira bað um „tæknilega rannsókn til að skilja betur hvað er að gerast í kerfinu.“

Yfirkjörkjörstjórn er stjórnað af hinum spillta hæstaréttardómara Alexandre de Moraes, neitaði að láta rannsaka hugbúnaðinn sem notaður er á rafrænu kosningavélunum eða leyfa frekari rannsókn. Í stað þess fullyrti hann að

„lokaskýrsla varnarmálaráðuneytisins … bendir ekki á tilvist neinna svika eða ósamræmis í rafrænum kosningavélum og í kosningunum 2022.“

Þessari röngu fullyrðingu var síðan dreift af meginfjölmiðlum út um allan heim, einnig til Íslands og á RÚV.

Deila