Í þættinum Fréttir vikunnar í dag ræddu Arnþrúður Karlsdóttir og Pétur Gunnlaugsson um stóru frétt dagsins en það er endurkjör Ursulu Von Der Leyen í embætti framkvæmdastjóra Evrópusambandsins. Það vekur athygli að hún er endurkjörin aðeins degi eftir að dómstóll í Luxembourg komst að þeirri niðurstöðu að hún hefði gerst brotleg með því að leyna almenningi mRNA Covid bóluefnsamningnum við lyfjarisana og sömuleiðis fyrir að leyna textaskilaboðum sem fóru á milli hennar og forstjóra Pfizer þegar hún gerði samning um kaup bóluefna.
Í þættinum sagði Arnþrúður að dómurinn væri mikill áfellisdómur fyrir Ursulu. Dæmt er að Pfizer lyfjafyrirtæki sé skylt að greiða skaðabætur til þeirra sem hafi orðið fyrir skaða af bólefnum fyrirtækisins. Í bóluefnasamningnum sem Ísland gerði árið 2020 og leynd hvíldi yfir, voru lyfjarisarnir undanþegnir skaðabótaskyldu. Svandís Svavarsdóttir þáverandi heilbrigðisráðherra hafi sett lög um sjúkratryggingar í desember 2020 sem í raun staðfestu undanþágu lyfjarisana undan bótaskyldunni samkvæmd íslenska samningnum.
Bóluefnasamningnum haldið leyndum fyrir þingi og þjóð
Í þættinum var einnig rætt um það hvernig leyndinni var haldið hér á landi yfir þessum samningi sem var fyrirframgreiddur kaupsamningur og greiddir milljarðar úr ríkissjóði síðla árs 2020 vegna þessa. Útvarp Saga fjallaði ítarlega um þetta mál á árinu 2020 -2021 og fáir þingmenn aðrir en Anna Kolbrún Árnadóttir heitin frá Miðflokki sagði í viðtali við Útvarp Sögu að ekki væri eðlilega staðið að þessum samningi. Flestir aðrir þingmenn sem talað var við báru fyrir sig upplýsingaskorti og enn aðrir sögðu athugasemdir útvarpsstöðvarinnar vera samsæriskenningu. Í raun hafi verið samið framhjá þjóðinni og málið kom aldrei til kasta Alþingis. Þingmenn í velferðarnefnd máttu aðeins skoða samninginn í leyniherbergi þingsins og ekki tjá sig neitt um efni hans
Samningurinn var þjóðinni hættulegur eins og dómstóllinn bendir á
Bentu Arnþrúður og Pétur á að Útvarp Saga hafi náð í afrit af samningnum og hafi birt hluta samningsins á ensku en ekki hafi verið hægt að birta hann í heild vegna viðurlaga sem sett voru og því hafi ekki verið hægt að birta samninginn í heild. Útvarp Saga hafi hins vegar bent á atriði í samningnum sem hafi verið mjög varhugaverð gagnvart þjóðinni og lagt kapp á að upplýsa almenning eins mikið og kostur var á. Nú standi til að samþykkja sóttvarnarfrumvarp heilbrigðisráðherra á haustþingi 24 nema einhverjir þingmenn hafi kjark til að sporna gegn þessu frumvarpi. Heilbrigðisráðherra Willum Þór hefur ekki teyst sér til að mæta í viðtal á Útvarp Sögu til þess að færa rök fyrir málinu en það felur í sér mjög íþyngjandi aðgerðir gegn ísensku þjóðinni. Dómurinn í Luxembourg í gær staðfestir þær efasemdir sem Útvarp Saga hefur haft frá upphafi samningsins.
Hlusta má á ítarlegri umfjöllun um málið í spilaranum hér að neðan