Vesturlönd gera mikið veður úr því á „ársdegi“ Úkraínustríðsins, sem er 9 ára gamalt miðað við yfirlýsingu Jens Stoltenberg um að stríðið hafi í raun hafist árið 2014, að heimurinn safnist saman um frið í Úkraínu. Bæði á Íslandi sem og í þeim 141 löndum sem samþykktu „friðarályktun“ Sameinuðu þjóðanna í fyrri viku er ályktuninni veifað sem sannindum um „gildi“ hins vestræna heims og „lýðræðið.“ Við lestur þessarar ályktunar kemur í ljós að sú krafa er endurtekin, að Rússland hverfi tafarlaust með allt herlið frá landssvæði sem tilheyrði Úkraínu áður en stríðið hófst með byltingunni á Maidan í febrúar 2014, þegar Viktor Janúkóvitsj var steypt af stóli í blóðugri valdatöku.
Rússland leit á byltinguna sem valdarán og svaraði með því að taka Krím og austasta hluta Úkraínu Donetsk og Luhansk eftir kosningu rússneskumælandi íbúa svæðisins sem kusu um að ganga með í rússneska sambandsríkið. Hið svo kallaða „alþjóða samfélag“ hefur aldrei samþykkt þessar kosningar né látið sig varða afstöðu íbúanna á þessum svæðum heldur viðurkenndi einungis þá stjórn sem komið var á í kjölfar valdatökunnar 2014. Stríðið í Úkraínu hefur síðan verið innanlandsstyrjöld á milli íbúanna í austurhlutanum sem voru kallaðir aðskilnaðarsinnar fyrir að vilja skilja sig frá Úkraínu og verða hluti af Rússlandi og þeirra afla í Kænugarði, sem vildu með stuðningi vesturvelda m.a. að Úkraína yrði aðili að hernaðarbandalaginu Nató undir forystu Bandaríkjanna.
Rússland hefur núna tekið landssvæðin inn sem hluta af rússneska sambandsríkinu og lítur á árásir á þau svæði sem árás á Rússland. Afstaða Rússlands hefur ekki verið neitt sérstaklega óskýr eða falin, leiðtogar Vesturvelda vita nákvæmlega að hverju þeir hafa gengið og Rússland hefur gert það sem þeir hafa sagst ætla að gera í stríðinu fram að þessu. Það er því engin önnur ástæða en að taka mark á hótunum þeirra að beita kjarnorkuvopnum ráðast Vesturlönd á rússnesk landssvæði.
5. grein ályktunarinnar: „Allsherjarráð Sameinuðu þjóðanna ítrekar kröfu sína um að Rússneska sambandsríkið dragi skilyrðislaust, tafarlaust og fullkomlega allt herlið sitt til baka frá yfirráðasvæði Úkraínu innan alþjóðlegra viðurkenndra landamæra þess og kallar eftir því að hernaðarátökum verði hætt.“
Margar af samþykktum SÞ eiga heima í ruslafötunni
Krafa Sameinuðu þjóðanna, sem ríkisstjórn Íslands hefur samþykkt, um að Rússland yfirgefi það sem þeir skilgreina sem hluta af landi sínu, á hvergi heima nema í ruslakörfunni. Þetta er engin tillaga um frið, þetta er krafa um skilyrðislausa og einhliða uppgjöf Rússlands. Þetta vita og skilja leiðtogar Vesturlanda, sér í lagi í Bandaríkjunum, sem eru að leika sér að þeirri hugmynd, að Bandaríkin geti ekki bara unnið Rússland í þriðju heimsstyrjöldinni heldur einnig Kína samtímis og það jafnvel þótt stríðið yrði kjarnorkustríð! Útvarp Saga hefur áður fjallað um ráðgjöf ýmissa hugveita glóbalista eins og Atlantic Council sem skrifaði fyrir ári síðan:
„Þess í stað ætti Washington ásamt bandamönnum að þróa varnarstefnu, sem getur hindrað og ef nauðsyn krefur sigrað Rússland og Kína samtímis…….Andstætt þeim, sem halda því fram að takmarkaðar auðlindir muni knýja fram erfiðar ákvarðanir, hafa Bandaríkin efni á að sigra samtímis Rússland og Kína. Bandaríkin eru með 24% af vergri landsframleiðslu á heimsvísu samanborið við 19% samanlagt í Kína og Rússlandi.“
Vilja búta niður Rússland í smærri ríki
Hér er ekki verið að setja fram tölur um kostnað í mannslífum og eyðileggingu á verðmætum jarðar en rannsóknir sýna að um 5 milljarðar jarðarbúa munu deyja úr hungri í þeim vetrum sem fylgja í kjölfar alheims kjarnorkustyrjaldar.
Ókrýndur leiðtogi glóbalista, George Soros, hefur annað markmið en að verja Úkraínu fyrir erlendri árás. Hann vill að Vesturlönd sigri Rússland í heimsstyrjöld svo hægt sé að búta niður Rússland í smærri ríki. Það gerði hann öllum ljóst í ræðu sinni á öryggisráðstefnunni í Munchen nýverið. Allir leiðtogar vesturlanda t.d. Emmanuel Macron Frakklandsforseti eru ekki sammála þessu markmiði og reyna að halda sér einungis við Úkraínu.
Hér að neðan er 5. grein „friðartillögunnar“ og lesa má samþykktina á pdf skjali þar fyrir neðan.
Í 5. grein ályktunarinnar segir:
„Allsherjarráð Sameinuðu þjóðanna Ítrekar kröfu sína um að Rússneska sambandsríkið dragi skilyrðislaust, strax og fullkomlega allt herlið sitt til baka frá yfirráðasvæði Úkraínu innan alþjóðlegra viðurkenndra landamæra þess og kallar eftir því að hernaðarátökum verði hætt.“
