Skuggleg viðskipti Hunter Bidens ein og sér næg ástæða til að láta rannsaka alla Biden fjölskylduna
Þáttastjórnandinn Mark Levin lagði til um helgina að Biden fjölskyldan yrði látin sæta sérstakri rannsókn.
Demókratar og fjölmiðlar drógu Trump og fjölskyldu hans í gegnum að því er virtist endalausar rannsóknir í fjögur ár, – svo hvers vegna ekki? Hefur Biden fjölskyldan ekki gefið fólki meira en nægar ástæður til að gruna að eitthvað sé að?
Skuggaleg viðskipti Hunter Bidens ættu ein og sér að vera nægjanleg ástæða.
Levin kallar eftir sérstakri nefnd til að rannsaka Biden fjölskylduna: „Við þurfum að fá vita, hvað er eiginlega í gangi.“
Mark Levin, þáttarstjórnandi þáttarins Lífið, Frelsið og Levin „Life, Liberty and Levin“ segir „spillta, tækifærissinnuða“ fjölmiðla hylma yfir fartölvuuppljóstrunum um Hunter Biden og vill að sérstök alríkisnefnd verði skipuð til að rannsaka Biden fjölskylduna í ljósi allra þeirra upplýsinga, sem komið hafa fram.
Fjölmiðlarnir földu meðvitað sannleikann
Levin hóf þátt sinn á sunnudaginn með því að taka fyrir fjölmiðla, sem staðnir voru að verki að vísvitandi leyna upplýsingum varðandi fartölvu Hunter Biden, þegar fyrst var greint frá henni árið 2020. Áberandi fréttamiðlar vísuðu sameiginlega upplýsingunum á bug sem tilhæfulausu hægra samsæri eða falsupplýsingatilraun Rússa.
„Þegar fjölmiðlar hér stóðu frammi fyrir sannleikanum um fartölvu Hunter Biden í síðustu kosningum, þá földu fjölmiðlarnir hann. Hvað gerðu ólígarkar netrisanna? Þeir létu sér ekki nægja að fela hann, heldur bönnuðu þeir New York Post, þeir bönnuðu aðra fjölmiðla og hvern einasta einstakling, sem þorði að segja sannleikann. Þannig er ástand fjölmiðla í Bandaríkjunum. Við erum ekki með frjálsa fjölmiðla. Við erum með spillta fjölmiðla. Við erum með fjölmiðla sem syngja einum rómi, fjölmiðla sem blása upp tóninn.“…
„Dömur mínar og herrar, við þurfum sérstaka alríkisnefnd. Við getum ekki látið Garland og pólitískt skipaða embættismenn dómsmálaráðuneytisins sjá um þetta.“
