Rosemont Seneca, fyrirtæki Hunter Biden, fjárfesti í fyrirtækjum, sem byggðu líftækni- og efnavopna-rannsóknarstofur í Úkraínu.
Einn daginn viðurkenning á tilvist rannsóknarstofanna – næsta dag eru þær ekki lengur til
Á þriðjudaginn viðurkenndi Victoria Nulanda, aðstoðarutanríkisráðherra Bandaríkjanna, að rannsóknarstofur í Úkraínu ynnu við hættuleg efnavopn og ríkisstjórn Bandaríkjanna hefði áhyggjur af því, að eitthvað af efnum gæti farið út og mögulega komist í hendur Rússa, sem þá myndu nota tækifærið og fremja efnavopnaglæp. Daginn eftir dró Biden-stjórnin til baka þær yfirlýsingar og sagði, að engar efnavopna-rannsóknarstofur væru til í Úkraínu fjármagnaðar af Bandaríkjunum.
Hvers vegna þessi skyndilegu, ruglingslegu skilaboð frá ríkisstjórninni á sama tíma og fjöldi gagna sanna tengsl Bandaríkjanna við slíkar rannsóknarstofur alla leið aftur í tíma Obama-ríkisstjórnarinnar?
Hunter Biden fjármagnaði byggingu rannsóknarstofanna
Einn þáttur í feluleik Biden stjórnarinnar gæti verið að reyna að koma í veg fyrir, að það spyrjist út, að Rosemont Seneca, fyrirtæki Hunter Bidens, fjármagnaði fyrirtæki, sem byggðu rannsóknarstofurnar í Úkraínu. Kemur sér illa fyrir föður Hunters, forseta Bandaríkjanna, að alheimur frétti af því.
Útvarp Saga birtir neðar á síðunni linka á annan tug sönnunargagna um efnavopnarannsóknir í Úkraínu sem eru samstarf á milli varnarmálaráðuneytis Bandaríkjanna og heilbrigðismálaráðuneytis Úkraínu. Kemur þar skýrt fram að stofurnar eru fjármagnaðar með fé frá Bandaríkjastjórn. Hér er t.d. linkur á grein, sem birtir skrif Tinu Redlup 17. júní 2010 um opnun 3. stigs rannsóknarstofu í Odessa til að rannsaka „hættulegar veirur sem lífefnahryðjuverkamenn nota.“
Hafa ekki undan að loka fyrir sannleikstíst um efnavopnatilraunirnar
Twitter og YouTube hafa ekki undan að loka á alla sem skrifa um málið. Er reynt að fjarlægja allt efni, sem hentar ekki rétttrúnaði Bandaríkjastjórnar. Þannig eru tíst sem voru opin í gær með myndum af gögnum horfin í dag. En sem betur fer eru tekin afrit og hægt að finna gögn sem hefur verið eytt.
Heilbrigðismálaráðuneyti Úkraínu fyrirskipaði 24. febrúar með tilvísun til neyðarúrræðis, að öllum veirum tengdum rannsóknarstofunum og öðrum efnum skyldi eytt.
Rússland birti einnig lista yfir líffræðileg efni m.a. Salmonella og E. Coli sem var verið að vinna með á rannsóknarstofunum.
Rannsóknarstofa styrkt af Bandaríkjunum í Odessa var m.a. með tilraunir á miltisbrandi skv.Tucker Carlson Tonight.
Í dag er það staðfest, að Rosemont Seneca, fyrirtæki Hunter Biden, fjárfesti í fyrirtækjum sem byggði rannsóknarstofurnar í Úkraínu.
Neðar á síðunni má sjá þátt Tucker Carlson um málið og einnig yfirlýsingu ríkisstjórnar Rússlands um málið.
