Fyrirtæki Hunters Biden, sonar Joe Biden forseta bandaríkjanna hefur undanfarið verið í nánu samstarfi við bandarísk stjórnvöld vegna rannsókna á erfðamengi rússa, sem eru gerðar í hernaðarlegum tilgangi. Þetta var meðal þess sem fram kom í máli Hauks Haukssonar fréttamanns í Moskvu í þættinum Heimsmálin, fréttir og fréttatengt efni af erlendum vettvangi í dag en hann var viðmælandi Arnþrúðar Karlsdóttur.
Haukur segir að um sé að ræða mjög umfangsmikið verkefni fyrirtækis Hunters sem heitir Metabiota, sem meðal annars vinnur að genabreytingum og þróun kemískra vopna sem sé ný aðferð í hernaði. Bandaríkjamenn reka um 30 útibú í Úkraínu í þessum tilgangi og í samstarfi við fyrirtæki Hunters, þetta sé meðal þeirra ástæðna að Pútín ákvað að hefja innrásina umdeildu inn í landið.
Ófagur ferill Hunter Biden
Hunter Biden á ekki sérlega glæsilegan feril að baki en hann einkennist helst að eiturlyfjabraski og skattsvikum, en skattamál hans eru meðal annars rekin fyrir dómstólum í bandaríkjunum. Haukur segir afar líklegt að Joe Biden hafi verið fullkomnlega meðvitaður um samstarfið og líklega megi rekja herskáa tilburði hans gagnvart Rússlandi til þeirrar vitneskju, enda hafi sonur hans augljósan hag af aðgerðum förður síns gagnvart rússum.
Staðan í Úkraínu
Þá greindi haukur einnig frá nýjustu vendingum stríðsins og sagði meðal annars frá því að rússar hafi skotið í gær niður 4 þyrlur, Mi 8, sem voru að reyna að flytja frá Mariupol háttsetta menn sem eru þar umkringdir. Macron hefur verið að beðið Pútín um að hann fái að skipuleggja brottflutning yfir til Tyrklands frá Maríupol en það styrkir þær tilgátur um að háttsettir Nato foringjar stjórni úkraínska hernum og séu nú innlyksa í borginni. Talið er að 7.000 Azov liðar og líklegast erlendir ráðgjafar og hermenn séu þar.
Pútín tók beiðni Macrons ekki í mál. Það voru um 15 manns í þyrlunum, þannig að um það bil hafi 60 manns samtals látið lífið, einungis tveir komust lífs af og eru þeir eru í yfirheyrslum. Talið er að breskir og bandarískir málaliðar og ráðgjafar séu meðal látinna, sem sumir segja að séu Frakkar, þar sem ákafi Macrons var svo mikill að bjarga mönnunum. Formaður frönsku leyniþjónustunnar var í gær rekinn fyrir að hafa ekki vitað af innrás Rússa og varað forsetan, Emanuel Macron við.
NATO aðstoðar á bak við tjöldin
Rússar eru við það að taka yfir Maríupol sem er rústir einar eftir mjög harða bardaga, hafa umkringt Azov sveitirnar við höfnina og er tímaspursmál hvenær þeir taka alla borgina, þeir sem ekki gefast upp með hvíta fána verður „eytt“.
Rússneski herinn virðist ekki ætla að taka með áhlaupi borgirnar Kiev, Odessu, Kharkov eða borgir V-Úkraínu; bíða, eru að taka yfir minni borgir, þar sem stjórnvöld hliðholl Rússum taka yfir. Samkvæmt rússneskum heimildum er kominn upp bensín- og dísel skortur hjá úkraínska hernum. Nato hjálpar af mætti sínum bakvið tjöldin, þannig veita þeir Úkraínumönnum myndir úr gerfihnöttum og upplýsingar um liðsflutninga Rússa.
Hlusta má á þáttinn í spilaranum hér að neðan
