Nýlega birti eftirlitsnefnd bandaríska þingsins upplýsingar um, að Biden fjölskyldan fékk rúmlega milljón dollara greiðslu frá frá tengdum aðila, rétt eftir að sá aðili fékk 3 milljón dollara greiðslu frá Kína. Kínverska fyrirtækið sem greiddi greiðsluna var State Energy HK Limited. Þetta var ekki í fyrsta skipti sem fréttir koma af þessu fyrirtæki. Í nóvember 2020 greindu öldungadeildaþingmennirnir Grassley og Johnson frá sama aðila.
Formaður fjármálanefndar öldungadeildarinnar, Chuck Grassley og formaður varnamálanefndar, Ron Johnson, birtu „viðbót“ við skýrslu sem þeir birtu seint í september 2020, Gagnrýnendur sögðu skýrsluna vera flokksbundna tilraun til að skaða ímynd Joe Biden sem var í framboði til forsetaembættisins og að repúblikanar kæmu með rússneskar falsupplýsingar. Repúblikanar sögðu ásakninarnar tilhæfulausar og sögðu skýrsluna byggða á skjalfestum staðreyndum sem afhjúpuðu vandræðaleg tengsl Biden fjölskyldunnar við kommúnistaflokk Kína. Öldungardeildaþingmennirnir skrifuðu í 5 bls. skýrslu sem fylgt var eftir með 65 blaðsíðum sönnunargagna (sjá pdf neðar á síðunni):
„Þessi nýju skjöl staðfesta tengsl Biden-fjölskyldunnar og kínversku kommúnistastjórnarinnar sem og tengsl viðskiptafélaga Hunter Biden og rússneskra stjórnvalda. Þetta styður enn frekar niðurstöðu skýrslu nefndanna 23. september 2020 að slík tengsl hafi skapað gagnnjósnir og áhyggjur um fjárkúgun.“
Biden tók við greiðslum frá kommúnistaflokki Kína sem líklega er glæpsamlegt athæfi
Í rannsókn öldungadeildarinnar er bent á, að í febrúar og mars 2017 sendi fyrirtæki í Shanghai að nafni State Energy HK Limited „tvær greiðslur hvor um sig að upphæð $3.000.000 á bankareikning Robinson Walker LLC“ og var það óljóst hver raunverulegi tilgangur viðskiptanna var né hver ætti endanlega að fá peningana. State Energy HK Limited hefur tengsl við kínverska kommúnistaflokkinn og kínverska herinn og annar viðskiptafélagi Hunter Biden fékk einnig fé frá State Energy HK.
„Þessi viðskipti sanna bein tengsl á milli Walker og kínversku kommúnistastjórnarinnar og eru vegna náins tengsla hans við Hunter Biden, enn eitt sambandið milli fjárhagsfyrirkomulags Hunter Biden og kínverska kommúnistastjórnarinnar.“
Skýrsla öldungardeildaþingmannanna með sönnunargögnunum
Hér að neðan er rætt um peningagreiðslurnar till Biden fjölskyldunnar frá Kína
