Innleiða á stafrænt heilbrigðisvottorð Alþjóðaheilbrigðisstofnunarinnar um allan heim
Hélstu að kórónufaraldrinum væri lokið? Jæja. Eiginlega ekki. Núna eru glóbalistarnir að skipuleggja næsta „faraldur“ og þá ætla þeir að nota sömu verkfæri og voru þróuð á meðan á Covid-19 stóð, þar á meðal stafrænu bólusetningavegabréfin. Þetta kom fram á B20 og G20 fundunum í Indónesíu sem hafa staðið yfir undanfarna daga. Nú á að taka upp „stafrænt heilbrigðisvottorð“ Alþjóðaheilbrigðisstofnun SÞ en Bill Gates er helsti fjárstuðningsaðili stofnunarinnar.
Þrátt fyrir að Covid sé meira og minna lokið, þá er valdaelítan engu að síður að skipuleggja næsta heimsfaraldur. Og glóbalistarnir eru ekkert að fela markmið sín. Þetta er það sem Indónesíski heilbrigðisráðherrann Budi Sadikin sagði á B20 fundinum, þ.e. opinbera samræðuvettvanginum fyrir G20 fundinn:
„Við munum fá stafrænt heilbrigðisvottorð viðurkennt af Alþjóðaheilbrigðisstofnuninni. Ef þú hefur látið bólusetja þig eða próf verið tekin á réttan hátt, þá geturðu hreyft þig. Í stað þess að stöðva hreyfingu fólks 100%, sem stöðvar efnahagslífið á heimsvísu, þá verður Í næsta heimsfaraldri hægt að veita fólki leyfi á vissri hreyfingu. Indónesía hefur náð árangri, G20 löndin hafa samþykkt að innleiða þetta stafræna vottorð samkvæmt staðli Alþjóðaheilbrigðisstofnunarinnar, WHO og við munum leggja þetta fyrir næsta Alþjóðaheilbrigðisþing í Genf eftir yfirferð á alþjóðlegum heilbrigðisreglum. Í næsta heimsfaraldri getum við því vonandi séð einhverja hreyfingu fólks, einhverja vöruflutninga sem og hreyfingu í hagkerfinu.“
Fólk á að halda að stafrænu eftirliti verði komið á til þess að „bjarga heiminum“ frá 100% lokun í næsta heimsfaraldri
Til þess að viðhalda hagkerfi heimsins, þarf því að taka upp stafrænt heilsuvegabréf, svo að minnsta kosti hluti fólks geti hreyft sig. Ef það gengur með vegabréf Alþjóðaheilbrigðisstofnunarinnar á sér. Budi Sadikin, sem tók við embætti heilbrigðisráðherra Indónesíu í desember 2020, er skráður á vefsíðu World Economic Forum. Klaus Schwab, leiðtogi WEF, sótti einnig fundinn í Indónesíu.
Til að sjá áform glóbsalistanna má einnig lesa yfirlýsingu G20 leiðtoganna(sjá neðar á síðunni), sem birt er á heimasíðu Hvíta hússins í gær. ESB dreifir einnig yfirlýsingu G20.
Í lið 23 má lesa:
„Við styðjum Alþjóðaheilbrigðisstofnunina, WHO, sem miðstöð fyrir mRNA bóluefni og tæknilegar færslur… Við fögnum sameiginlegum rannsóknum og sameiginlegri framleiðslu á bóluefnum, þar á meðal aukinni samvinnu milli þróunarlanda. Við viðurkennum mikilvægi sameiginlegra tæknistaðla og sannprófunaraðferða… til að auðvelda alþjóðleg ferðalög, samvirkni og viðurkenningu á stafrænum og óstafrænum lausnum, þar með talið sönnun fyrir bólusetningum. Við styðjum áframhaldandi alþjóðlega umræðu og samvinnu um stofnun traustra alþjóðlegra stafrænna heilbrigðisneta sem hluta af viðleitni til að styrkja forvarnir og viðbrögð við heimsfaraldri í framtíðinni – sem ættu að njóta góðs af og byggja á velgengni núverandi staðla og stafrænna covid-19 vottorða.“
Í lið 24 segir:
„Við gerum okkur grein fyrir mikilvægi þess að vinna gegn falsupplýsingaherferðum… Við munum stuðla að fólksmiðaðri, valdeflandi og innifelandi, sjálfbærri stafrænni umbreytingu. Við staðfestum einnig hlutverk gagna í þróun, hagvexti og félagslegri velmegun.“
Glóbalistarnir sækja í sig veðrið
Avi Yemini blaðamaður Rebel News segir glóbalistana sækja í sig veðrið (sjá tíst hér að neðan). Einnig hefur verið tekið eftir yfirlýsingu Budi Sadikin á blogginu Sociable. Sjá lengri rökstuðning Sadikins HÉR.
