Orkuskiptin og þessi stóra græna bylting sem sögð er eiga gera heiminum svo gott virðist ekki vera eins græn og af er látið við nánari skoðun. Í þættinum Heimsmálin, fréttir og fréttatengt efni af erlendum vettvangi í dag ræddi Gústaf Skúlason fréttamaður í Stokkhólmi meðal annars um grænu byltinguna en Gústaf var viðmælandi Péturs Gunnlaugssonar.
Að fjölmörgum atriðum er að hyggja þegar kemur að orkuskiptum en oftar en ekki virðist hugsunin á bak við ekki ná mjög langt. Meðal þess sem kallað er á er að heimurinn verði rafbílavæddur en það þýðir að vinna verður mjög mikið af efnum í jörðinni sem almennt eru talin skaðleg fyrir umhverfið og eru síðan þessi efni notuð í rafgeyma, sem eftir ákveðinn tíma mun þurfa að farga.
Þá hefur lítið verið talað um hvað verði þá um allar þær bifreiðar sem nú eru á götum heimsins og koma með að enda sína ævidaga með misjöfnum hætti. Sumir verða að vísu bræddir niður með tilheyrandi mengun og endurnýttir á einhvern hátt en ekki hafa öll lönd efni á slíkum lúxus og þá er mikil hætta á að þeir muni daga uppi í mengandi hrúgum milljónum saman.
Fuglar eins og borðtenniskúlur innan um vindmylluspaðana
Þá virðist vindmylluvæðing vera nýjasta tískufyrirbrigðið hjá umhverfissinnum sem vilja reisa slíkar myllur á hverri hæð sem þeir sjá, með tilheyrandi sjón og hávaðamengun, allt í þágu umhverfsins sem reyndar fær að gjalda þess svo seinna meir þegar urða þarf ónýta vindmylluspaða sem gerðir eru úr skaðlegum plastefnum. Þegar hefur sýnt sig að vindmyllugarðar hafa áhrif á dýralíf og eru vindmyllugarðar orðnir eins og risavaxið borðtennisborð þar sem fuglategundir, sumar sjaldgæfar eru settar í hlutverk borðtenniskúlunnar og lenda því miður oft í árekstrum við spaða myllanna. Þá er ótalin sú
Bifreiðum fækkað með reglugerðum og ónýtu eldsneyti
Hér á Íslandi eru farnar ákveðnar leiðir til þess að fækka ökutækjum í umferðinni en það er gert með reglugerðum sem meðal annars kveða á um að ef minnsta olíusmit sést í gangverki bifreiða þegar þær eru skoðaðar af bifreiðaskoðunarstöðvum fá þær á sig akstursbann umsvifalaust. Svo er það nýjasta dæmið hér á landi þar sem tekið hefur verið upp notkun á svokölluðu E-10 eldsneyti sem er hefðbundið bensín sem er með 10% etanólmagni sem einmitt tærir upp gúmmíslöngur með tíð og tíma og tryggir að þær fari að leka og hægt sé að setja akstursbann á viðkomandi bifreið. E-10 eldsneytið var skipt út fyrir hefðbundið eldsneyti undir því yfirskyni að það mengaði mun minna en sannleikurinn er hins vegar sá að E-10 eldsneyti brennur hraðar vegna þess að það inniheldur meira etanól en hefðbundið bensín og því mengar það þar af leiðandi meira.
Hlusta má á þáttinn og umræðu um fleiri erlendar fréttir í spilaranum hér að neðan
