Hin svo kallaða loftslagsvá er í raun blekking, sem valdaelítan hefur heilaþvegið fólk til að trúa. Það telur skoski blaðamaðurinn Neil Oliver. Í rauninni snýst málið um eitthvað allt annað. Málið varðar það, sem það allaf varðar: VÖLD. „Þetta er illmennska“ segir hann.
Skoski blaðamaðurinn og fornleifafræðingurinn Neil Oliver gerir harða atlögu gegn loftslagsmálunum. „Þessi svokallaða kreppa er í raun blekking“ segir Oliver. „Þetta hafa sérfræðingar lengi sagt.“
Læða inn samviskubiti í fólk
„Loftslagsblekkingin sem þeir básúna út um allt, er leið fyrir þá til að láta okkur sem tegund finna fyrir sektarkennd vegna tilvistarkreppu plánetunnar. Að tilvera okkar hér, ræktun búfjár, að uppskera hveiti og borða matinn sem við borðum, muni eyðileggja jörðina. Þetta hefur verið innprentað í meira en eina kynslóð.“
„Núna telja margir, að við mennirnir eigum sök á vandamálum plánetunnar. Þetta gerir þeim kleift að taka næsta skref. Sem er að ríkið, fyrir hönd alþjóða fyrirtækja, hafi bæði réttinn og skyldurnar til að taka land bændanna og koma á miðstjórn á landinu og matvælaframleiðslunni.“
Sá sem ræður yfir matvælaframleiðslunni hefur völdin
Boðskapurinn er „ykkur fyrir bestu og til að bæta skaðann sem þú og forfeður þínir sköpuðu“ útskýrir Oliver. Þetta er að sjálfsögðu fyrirsláttur. Að tjaldabaki er allt annað í gangi. „Þetta er illmennska. Falsupplýsingum hefur verið hamrað í kynslóðir manna.“ Að sögn Neil Oliver kemur ekkert sérstaklega á óvart, hvað er í gangi. Sagan endurtekur sig. Það sem er í gangi er ekkert nýtt. Lítil elíta reynir að ræna öllum völdum. Eins og hún reynir alltaf.
„Þetta snýst um það sem það snýst alltaf um. Hinir fáu, hinir ríku, taka yfir sífellt meira land, því það gefur þeim völd. Það er það sem þetta snýst um og það er það sem það mun alltaf snúast um. Og það er það sem er að gerast núna.“
Lítið grænt við byltingu græðginnar
„Þú ættir aldrei að trúa orðum valdaelítunnar“ bendir hann á. „Það sem þeir segja er í raun ekki það sem þeir segja.“
„Ef þú stjórnar matvælaframleiðslunni þá stjórnar þú fólkinu. Við verðum að læra af sögunni. Þegar hinir ríku og valdamiklir reyna að ná yfirráðum yfir landinu, þá er það vegna þeirra eigin hagsmuna, ekki okkar.“
„Það er nákvæmlega ekkert grænt við „grænu byltinguna.“ Þetta er bylting græðginnar. Það er það eina sem þessar byltingar snúast um. Þær eru seldir inn á okkur eins og þær sé í þágu okkar og plánetunnar. En það er verið að blekkja okkur. Við þurfum að skilja hvað er að gerast. Algjör stjórn á landinu þýðir algjört vald. Það er það sem þessir einstaklingar eru að gera.“
Sjá pistil Neil Oliver á myndbandinu hér að neðan:
