Grænbanki glóbalismans í gjaldþrot: „Næst stærsta bankahrun í sögu Bandaríkjanna“

Bandaríski „grænbankinn“ Silicon Valley Bank, sem einbeitti sér að „loftslagsbreytingum“ er fallinn. Viðskiptablað Sænska dagblaðsins SvD segir gjaldþrotið „breiða út ótta í fjármálaheiminum.“ Í versta falli gæti bankahrunið valdið dómínóáhrifum og nýrri fjármálakreppu í heiminum.

Núna byrjar ballið aftur. Bandaríski grænbankinn Silicon Valley Bank er farinn á hausinn. Það getur haft mjög alvarlegar afleiðingar og valdið nýrri fjármálakreppu í öllum heiminum. Grænbankinn fylgdi pólitískum rétttrúnaði og var heltekinn af hlutum eins og „sjálfbærniviðmiðum“ ESG, (Environmental Social & Governance) og „loftslagsbreytingum“ og núna benda sumir á þetta sem ástæðuna fyrir falli bankans. Á vef bankans segir:

„Silicon Valley Bank viðurkennir mikilvægar efnahagslegar, samfélagslegar og vistfræðilegar ógnir af loftslagsbreytingum. Við styðjum frumkvöðla og ört vaxandi fyrirtæki sem stuðla að nýjungum sem draga úr losun gróðurhúsalofttegunda (GHG) og við gerum ráðstafanir til að fylgjast með og draga úr eigin losun.“

Tengdist World Economic Forum

Alríkis innistæðutryggingafélagið FDIC hefur tekið yfir þrotabú bankans til skipta. Bankinn hafði tengsl við World Economic Forum og fygldi ný-marxískum kenningum WEF um „hagsmunaaðilakapítalismann.“ Silicon Valley Bank talaði skýrt um að vera „í samræmi við hagsmunafjármagnsmælingar „Stakeholder Capitalism Metrics“ SCM, sem Alþjóðaviðskiptaráðið birti hjá World Economic Forum.“

Árið 2022 fjárfesti Silicon Valley Bank 5 milljörðum dollara í „sjálfbærri fjármögnun og kolefnishlutlausan rekstur til að styðja við heilbrigðari plánetu.“

„Bankinn skuldbatt sig til að veita a.m.k. 5 milljarða dollara árið 2027 í lán, fjárfestingar og aðra fjármögnun til að styðja við sjálfbærni í störfum og fyrirtækið setti sér það markmið að ná kolefnishlutlausum rekstri fyrir árið 2025.“

Vann að „hringrásahagkerfi“ og minni kolefnislosun

Bankinn mælti m.a. með „hringrása hagkerfi“ og studdi við fyrirtæki sem vildu draga úr „kolefnislosun.“ Greg Becker, forstjóri SVB sagði:

„Hæfni okkar til að vera þýðingarmikill aðili fyrir fólkið og plánetuna og takast á við kerfisáhættu sem stafar af loftslagsbreytingum eykst af þeim miklu áhrifum sem nýsköpunarviðskiptavinir okkar hafa. Til dæmis hefur teymi okkar í „haldbærri loftslagstækni og verkefnafjármögnun“ stutt hundruð fyrirtækja á undanförnum 12 árum, sem vinna að því að flýta fyrir umskiptum yfir í sjálfbærari og kolefnissnauðari heim.“

Sænskir lífeyrissjóðir töpuðu a.m.k. 6,4 milljörðum sænskra króna

Bankahrunið hefur þegar haft afleiðingar fyrir sænska lífeyrissparendur. Sænski lífeyrisrisinn Alecta var einn stærsti eigandi Silicon Valley Bank. Alecta hefur tapað að minnsta kosti 6,4 milljörðum sænskra króna samkvæmt Di. Það gerir rúmlega 85 milljarða íslenskra króna.

Á miðvikudaginn tilkynnti Alecta, að sjóðurinn hefði selt eignarhlut sinn í Handelsbanken, sem það hafði átt síðan 1951 og einnig í Swedbank til að fjárfesta í bandarískum „grænbönkum“ eins og Silcon Valley Bank. Nokkrum klukkustundum síðar hrundi bankinn að sögn Aftonbladet. „Þetta var augljóslega svolítið misfarin tímasetning“ segir Jacob Lapidus hjá Alecta samkvæmt Aftonbladet en bendir á, að fjárfestingar í „amerískum sérbönkum“ hafi byrjað þegar árið 2019. TT skrifar um eignarhlut Alecta í Silicon Valley Bank: „Lífeyrisfélagið Alecta hefur fjárfest í bankanum frá árinu 2019 og var helmingur eignarhlutarins keyptur á síðasta ári.“ Forstjóri Alecta, Magnus Billing, segir við Di, að Alexta verði núna að „hugleiða málið vel.“

Gæti leitt til samdráttar eins og ár 1929

Tucker Carlson hjá Fox News varar við því, sem stjórnmálamennirnir eru að gera. Í versta falli gæti þetta leitt til mikils samdráttar eins og varð árið 1929. Tucker Carlson spyr í nýjum þætti:

„Hvar er fullorðna fólkið? Þetta er annað versta bankahrun í sögu Bandaríkjanna, það stærsta síðan 2008, og þeir blaðra um „kynþáttajafnrétti.“ Í alvöru? Já, í alvöru. Enginn í Washington viðurkennir hagfræði nema hægt sé að tengja hana á einhvern hátt við loftslagsbreytingar eða kynþáttafordóma.“

148 sinnum minnst á loftslagsbreytingar og 63 sinnum á jafnrétti í nýjum fjárlögum Bandaríkjanna

„Það verður að koma þessu geggjaða fólki burt og hleypa í staðinn inn klóku fólki sem getur leyst vandamálin. En ekkert bólar á því fólki enn þá. Joe Biden hefur nýlega hafði 7 trilljón dollara fjárhagsáætlun. Þessum peningum á að beina til raunverulegra mála sem snerta alla. Í þessum fjárlögum er 148 sinnum minnst á loftslagsbreytingar, 63 sinnum jafnrétti, 25 sinnum umhverfisréttlæti og átta sinnum á transkynhneigð. Líður þér betur? Er fullorðna fólkið komið aftur? Nei.“

Veiku hlekkirnir að brotna sundur

Hagfræðingurinn Stephanie Pomboy segir við Tucker:

— Þetta er mjög alvarlegt. Við erum á barmi 2008-líkrar fjármálakreppu. Og ég er ekki að reyna að vera ofurbóla. Við ræddum þetta ítarlega fyrir nokkrum mánuðum. Og þá hafði seðlabankinn alls ekki hækkað vexti eins mikið og nú. Það var augljóst að þetta myndi gerast og nú erum við að sjá veiku hlekkina brotna sundur í keðjunni.“

Viðbrögð á samfélagsmiðlum:

Deila