Granít og marmari- Gæðin í stein frá Steinprýði ótvíræð

Þegar kemur að því að velja fallegan stein á hólf eða gólf sem standast þarf gæðakröfur þá er best að heyra í fagmönnum og þá er gott að leita til fyrirtækisins Steinprýði sem sérhæfir sig í faginu. Starfsmenn Steinprýði vita að þeir sem vilja fá stein á hólf eða gólf eru að leita fyrst og fremst að gæðasteini. Steinprýði kappkostar að veita viðskiptavinum sínum eingöngu upp á gæðavöru þegar kemur að granít, marmara eða hverju öðru sem viðskiptavinurinn kýs. Pétur Daníelsson frá Steinprýði var gestur Jörundar Guðmundssonar í þættinum Fólk og fyrirtæki sem er kynningarþáttur í boði Steinprýði.

Pétur segir að hér á árum áður hafi verið ákveðin vandamál með hvítar steintegundir sem nýttar eru oft á gólf og veggi og þær áttu það til að draga í sig bletti en með vöruþróun fyrirtækja í slíkum rekstri er nú hægt að fá blettafríar steinplötur.

Vinsælast að nota stein í eldhúsinnréttingar og baðherbergi

Steinn hefur marga kosti. þegar hann er notaður í innréttingar er vert að nefna að hægt er að leggja frá sér potta beint af eldavél og á steininn án þess að óttast að skemma borðplötuna. Hann segir að markaðurinn í dag sé þannig að fólk leiti mest eftir efnum úr steini á baðherbergi og í eldhús enda sé auðvelt að þrífa steininn og svo er hann ótrúlega slitsterkur.

Steinprýði flytur fegurð fjallanna heim í stofu

Steinninn er unnin í sérstökum námum erlendis og fluttur hingað til lands og er fulluninn hér á landi og því er óhætt að segja að þeir hjá Steinprýði flytji fegurð fjallanna heim í stofu, baðherbergi eða eldhús, allt eftir því hvað viðskiptavinurinn kýs.

Hlusta má á ítarlegri umfjöllun í spilaranum hér að neðan en fyrir neðan spilarann má einnig sjá myndir af því úrvali sem Steinprýði býður upp á.

Deila þessari frétt á samfélagsmiðla

Deila