Hæstiréttur Brasilíu skipar bönkunum að frysta eignir milljóna lýðræðislegra mótmælenda

Myndin er tekin í höfuðborg Brasilíu, Brasília, á lýðveldisdeginum 15. nóvember (mynd skjáskot Twitter).

Ein stærstu mótmæli í heiminum og næstum engar fréttir um málið í stóru fjölmiðlunum

Yfir 3 milljónir Brasilíumanna fylltu göturnar á lýðveldisdeginum í gær, 15. nóvember, til að mótmæla stolnum kosningum. Mótmælin fóru friðsamlega fram. Flokkur Jairs Bolsonaro forseta birti skýrslu sína og tilkynnti að flokkurinn myndi sækja um að fá kosningarnar ógildar, þar sem ekki væri hægt að fá niðurstöðurnar staðfestar.

Milljónir Brasilíumanna hafa mótmælt á götum úti á hverjum degi eftir kosningarnar gegn kosningasvindli af hálfu sósíalistans og fyrrum forseta Brasilíu, Luiz Inácio Lula da Silva, sem ákærður og dæmdur var fyrir fjársvikamál. Stóru fjölmiðlarnir t.d. O Globo segja ekki frá mótmælunum, sem gætu verið þau stærstu sem sést hafa í heiminum og ýtir þöggunin enn frekar undir reiði og vonbrigði meðal brasilísku þjóðarinnar.

Lula da Silva dæmdur fyrir mútur og peningaþvott til 12 ára fangelsis

Að sögn The Gateway Pundit telja sumir hæstarétt Brasilíu og þá sérstaklega hæstaréttadómarann Alexandre de Moraes spilltan fyrir að hafa gert sósíalistanum Lula da Silva, sem sat í fangelsi dæmdur fyrir mútugreiðslur og peningaþvott, kleift að losna úr fangelsi og fara í forsetaframboð. Hæstiréttur dæmdi réttarhöld yfir honum ógild á grundvelli formgalla. 2019 var da Silva kærður fyrir tíu spillingarafbrot og peningaþvott. Þann 12. júlí 2017 var da Silva dæmdur í 9,5 ára fangelsi fyrir að taka á móti mútum frá byggingarfyrirtæki og fyrir peningaþvott. Hann áfrýjaði dómnum sem var hafnað og í staðinn var refsingin þyngd í 12 ára og 11 mánaða fangelsi. 8. apríl 2018 var da Silva handtekinn og færður til fangelsis í Curitiba til þess að taka út 12 ára fangelsisdóminn. En árið 2019 voru réttarhöldin dæmd ólögleg og Lula látinn laus. Hæstiréttur Brasilíu úrskurðaði að dómarinn í málinu, Sergio Moro sem síðar varð dómsmálaráðherra í ríkisstjórn Jairs Bolsonaro, hefði verið hlutdrægur. Hæstaréttadómarann Alexandre de Moraes, sem tók ákvörðunina, er virkur í Sósíaldemókrataflokki Brasilíu PSDB. Da Silva var í forystu Verkamannaflokksins PT og tvívegis forseti Brasilíu á árunum 2003 – 2011.

Varnarmálaráðuneytið birti skýrslu þar sem fullyrt er að ekki sé hægt að tryggja niðurstöðu kosninganna

Miklar mótsetningar ríkja í Brasilíu eftir að varnamálaráðherrann og hershöfðinginn Paulo Sergio Nogueira birti skýrslu 10. nóvember um útkomu kosninganna 30. október, þar sem fullyrt er:

„Ómögulegt er að segja hvort rafræna kosningakerfið sé laust við áhrif tölvuveira, sem gæti hafa haft áhrif á niðurstöðu kosninganna.“

Krefst varnarmálaráðuneytið rannsóknar á kosningavélum sem notaðar voru í kosningunum. Samtímis halda hundruð þúsunda áfram að mótmæla á götum úti í Brasilíu. Núna beitir hæstaréttardómari Alexandre de Moraes sér fyrir því að fá varnarmálaráðherrann rekinn fyrir að birta skýrsluna, þar sem öryggi stafræna fyrirkomulags kosninganna er dregið í efa. Telur hann, að Nogueira hafi verið að gefa yfirlýsingar um meint svik í kosningaferlinu fyrir hönd Jair Bolsonaro forseta og fylgismanna hans. Miðvikudaginn 16.nóvember sendi hæstaréttadómarinn Alexandre de Moraes beiðni til skrifstofu dómsmálaráðherra um að víkja varnarmálaráðherranum úr embætt að sögn O Antagonista.

Hæstiréttur fyrirskipar lokun bankareikninga lýðræðislegra mótmælenda – beitir sama fasisma og Trudeau

Í stað þess að rannsaka ásakanir varnarmálaráðuneytisins, þá sagði Hæstiréttur að skýrslan „stefndi öryggi borgaranna í hættu“ sem væru „ósjálfrátt hvattir“ til að mótmæla – rétt eins og að yfir 3 milljónir Brasilíumanna sem mótmæltu kosningunum á lýðveldisdaginn 15. nóvember vissu ekki alveg, hvað þeir væru að gera.

Á fimmtudaginn skipaði Hæstiréttur bönkum í Brasilíu að frysta ALLAR eigur og loka fyrir fé frá milljónum mótmælenda, sem taka þátt í lýðræðislegu fjöldamótmælum. Byrjað var á að frysta fé a.m.k. 42 einstaklinga og fyrirtækja í Mato Grosso sem grunuð voru um að fjármagna mótmælin, að því er CBN greindi frá.

„Listinn var gerður af alríkislögreglunni og umferðalögreglunni að beiðni Alexandre de Moraes sjálfs, eftir að fréttir bárust um að 115 flutningabílar hefðu komið til Brasilíu, með það að markmiði að styðja mótmælendur við aðalstöðvar hersins en mótmælendur vilja að herinn skerist í leikinn og kosningarnar verði dæmdar ómerkar. Listinn var svo sendur til Seðlabankans síðasta laugardag.“

Hér að neðan má sjá nokkur myndbönd sem sýna fjöldamótmælin, sem meginmiðlar þegja þunnu hljóði yfir.

Marcio de Floripa segir frá Brasilíu að fólkið sé enn á götum úti. Þeir verða ekki þaggaðir niður af spilltum Hæstarétti.

Þetta er alveg eins og aðgerð harðstjórans Justin Trudeau fyrr á þessu ári gegn lýðræðislegum mótmælum gegn bóluefnunum.

Mikill kraftur í fólki í Brasilíu

Deila