Hallur Hallsson sagnfræðingur og blaðamaður skrifar:
Nú hefur það gerst að FBI hefur verið sigað á 45. forseta Bandaríkjanna, Donald J. Trump. FBI alríkislögreglan réðst inn á heimili og hertók undir alvæpni veifandi húsleitarheimild. Pólitískar ofsóknir í Bandaríkjunum eru komnar á nýtt stig. Þær hófust á fyrstu vikum forsetatíðar Trumps með lygavef sem demókratar spunnu linnulaust á þriðja ár um að Trump væri njósnari Pútins Rússlandsforseta. Vitleysuna fékk íslensk þjóð hráa og ómengaða frá lygaveitu RÚV. Allt reyndist þetta gabb sem sérstakur saksóknari leiddi í ljós. Samt bera pólitískir handverksmenn íslenska ríkisvaldsins á RÚV enn út lygina. Þar starfar áróðursveit, ekki fréttafólk.
Rúvísk áróðurstaktík gengur út af því að ræna pólitíska andstæðinga æru með hatri og fordómum. Nú er okkur sagt af hálfu RÚV að ‘…fjöldi mála gegn Trump sé á borði bandarískra yfirvalda.‘ Sjálfsagt er markmið Biden að koma í veg fyrir framboð Trumps í forsetakosningunum 2024. Trump nýtur yfirburðafylgis meðal repúblikana sem njóta yfirburðafylgis á demókrata. Maga-hreyfingin – Make America Great Again – stærsta lýðhreyfing í sögu Vesturlanda er mikill þyrnir í augum glóbalizta. Þar koma tugir þúsunda vítt og breytt um Ameríku reglulega saman til fundar við Trump sem er helsti tálmi glóbalizta að Alheimsríki og tortýmingu þjóðanna. Í yfirlýsingu kveður Trump heimili sitt undir umsátri, hertekið af fjölmennri sveit FBI-liða.
Demókratar hafa vopnvætt FBI sem pólitískan arm flokksins. Þegar Hunter Biden var gómaður með hryllingstölvu sína uppfulla af glæpum og mútugreiðslum – Laptop from Hell – þá lugu Njósna Agentar að tölvan væri runnin undan rifjum Rússa og falsmiðlar kóuðu. Það var og er staðfest lygi sem við þekkjum. Hillary Clinton eyðilagði 33.000 tölvupósta í sýru og kom undan réttvísinni. FBI skaut skjólshúsi yfir frúna. FBI og CIA tóku þátt í Rússalygi – Russia-Hoax – demókrata. Kerfi og pólitík renna í sama farvegi. Könnumst við þetta hér á Íslandi?
Fréttir amerískra falsmiðla eru í véfréttarstíl. Sagt er að húsleitin tengist skjölum úr forsetatíð forsetans. Það auðvitað tekur út yfir allan þjófabálk að bera á borð að ágreiningur um forsetaskjöl sé tilefni innrásar á heimili forseta. Önnur ástæða er sögð ‘uppreisnin‘ 6. janúar 2021 þegar öryggisverðir opnuðu dyr Capitol fyrir fólkinu. Pólitísk sýndarhöld hafa farið fram í Washington en fengið dræma athygli í Ameríku og stöðugt fjarað undan demókrötum í fylgi.
Auðvitað er þetta yfirvarp. Joe Biden rændi völdum í nóvember 2020 í mestu kosningasvikum sögu Vesturlanda. Ameríku, hornsteini lýðræðis var stolið. Bandaríkin eru ekki lengur lýðfrjálst ríki hinna frjálsu og hugrökku. Bandaríkin er á hraðferð að 3ja heims ríki. Nágranninn Venezúela fyrrum ríkasta ríki S-Ameríku er nú rústir einar undir stjórn sózíalista. Ísland er á sömu vegferð, helsi og kúgun er handan horns, tortýming íslensks þjóðernis og menningar. Íslendingar þekkja pólitísk réttarhöld yfir Geir Haarde, rúvískar ofsóknir, hatur og fordóma í garð Davíðs Oddssonar, Sigmundar Davíðs og fleiri ‘andstæðinga RÚV.‘
Amerískir og evrópskir falsmiðlar í eigu hinna ofsaríku ljúga öllu; CNN, New York Times, Washington Post, Reuters, AP, Guardian og BBC sem fer fyrir ritskoðun evrópskra ríkismiðla. Þessir miðlar eru óvinir þjóðanna. Kunnir bandarískir fréttamenn hafa hætt störfum í mótmælaskyni við lygavaðalinn. Þeirra á meðal Lou Dobbs, Lara Logan og Kari Lake sem á dögunum vann forval repúblikana með stuðningi 45. forsetans. Þrátt fyrir það heldur rúvísk áróðursveita því fram á þennan dag að Kari Lake hafi tapað fyrir frambjóðanda Mike Pence! Hvað er hægt að segja um þessa vitleysu?
Hvenær labba fréttamenn út og mótmæla rúvízkri áróðursveitu … Meðfylgjandi video er frá ræðu Trump á CPAC ráðstefnu Conservatives í Ameríku.
https://utvarpsaga.is/sjaid-myndina-sem-trump-let-gera-adur-en-joe-biden-skipadi-aras-fbi-a-heimili-ovinarins-i-florida/
