Fyrirhugað námsskeið um hatursorðræðu sem Katrín Jakobsdóttir forsætisráðherra hyggst skikka kjörna fulltrúa, embættismenn og starfsmenn opinberra stofnana til að mæta , er fyrst og fremst sett á fót til þess að redda fólki úr kjósendahópi Vinstri grænna sem hefur útskrifast úr vandamálagreinum vinnu við að kennar þar. Þetta var meðal þess sem fram kom í máli Sigmundar Davíðs Gunnlaugssonar formanns og þingmanns Miðflokksins og fyrrverandi forsætisráðherra í síðdegisútvarpinu í gær en hann var gestur Arnþrúðar Karlsdóttur og Péturs Gunnlaugssonar.
Sigmundur segir hugmyndina um hatursorðræðunámsskeiðið vera í raun alveg ótrúlega og furðar sig á að Katrín hafi yfirleitt látið sér detta það í hug.
„þarna er verið að útbúa vinnu fyrir kjósendur Vinstri grænna. Fólkinu sem hefur útskrifast úr vandamálagreinum og vantar að hafa eitthvað að gera, mjög afmarkaður hópur með afmarkaðar skoðanir. Það verða engir kennarar þarna sem útskýra mikilvægi málfrelsis eða mikilvægi mannréttinda á borð við eignarétta heldur verður kennt hvers vegna Vinstri grænir hafi rétt fyrir sér um lífið og tilveruna“segir Sigmundur.
Hann segir sláandi að heyra að Katrín, þessi sami forsætisráðherra hafi viðurkennt í viðtali á Bylgjunni þegar fræga glærumálið kom upp hvort það væri hatursorðræða og reyndar vissi hún ekki hvað hatursorðræða væri yfirleitt og þess vegna þyrfti hún að fara á námsskeið.
„og þegar Bjarni Benediktsson fjármálaráðherra gagnrýndi þetta og Katrín var spurð út í þá gagnrýni þá forhertist hún og sagði að fjármálaráðherra þyrfti greinilega að fara á námsskeið um hatursorðræðu, þarna erum við að sjá forsætisráðherra VG að bregðast við efasemdum leiðtoga stærsta flokksins með þeim orðum að hann þurfi að sitja námsskeið í Vinstri grænum fræðum“ segir Sigmundur.
