Arnþrúður Karlsdóttir og Guðmundur Franklín Jónsson, ræddu í Heimsmálunum um stöðu Íslands gagnvart Evrópusambandinu, áhrif Ursulu von der Leyen, og þá þróun sem er að færa Brussel aukin áhrif yfir íslensk auðlindamál og Norðurslóðir. Í þættinum kom fram að Ísland væri komið á hættulega braut þar sem stjórnvöld væru að færa landið nær Evrópusambandinu á sama tíma og Bandaríkin, Kína og Rússland væru að skipta með sér áhrifum á Norðurslóðum. Hlusta má á þáttinn í spilaranum hér að neðan.
Brussel sækir að Norðurslóðum
Í þættinum var rætt um aukinn áhuga Evrópusambandsins á Norðurslóðum og hvernig Ursula von der Leyen, og framkvæmdastjórn Evrópusambandsins vinna að því að færa áhrifasvæði sambandsins norður fyrir Ísland og Grænland. Fram kom að Dimitri Peskov, talsmaður Kremlar, hefði rætt um samstarf Bandaríkjanna, Kína og Rússlands um olíuvinnslu og auðlindanýtingu á Norðurslóðum. Á meðan þessi stórveldi væru að móta nýtt valdakerfi á svæðinu væri Evrópusambandið að reyna að ná pólitískum áhrifum yfir svæðið í gegnum Ísland.
Guðmundur Franklín sagði Ísland með þessu vera að setja sig á „eituroddinn“ gagnvart stórveldunum með því að fylgja Brussel í utanríkis- og auðlindamálum.
Þorgerður stefnir hagsmunum Íslands í hættu
Guðmundur Franklín gagnrýndi Þorgerði Katrínu, utanríkisráðherra harðlega fyrir að leiða þá þróun að færa Ísland nær Brussel og Evrópusambandinu í málum sem tengjast Norðurslóðum, auðlindum og alþjóðasamstarfi. Í umræðunni kom fram að með þessari stefnu væri Ísland að stefna eigin hagsmunum í hættu á sama tíma og Bandaríkin, Kína og Rússland væru farin að ákveða framtíð Norðurslóða sín á milli.
Guðmundur Franklín sagði Evrópusambandið ekki eiga neinn náttúrulegan rétt til áhrifa á svæðinu og gagnrýndi íslensk stjórnvöld fyrir að opna á slíkt vald frá Brussel.
Ísland á að nýta eigin auðlindir
Guðmundur Franklín sagði Ísland vera í einstæðri stöðu vegna legu landsins milli Evrópu og Norður-Ameríku og nálægðar við Norðurpólinn. Hann sagði aukna skipaumferð um Norðurslóðir og nýjar siglingaleiðir frá Asíu skapa Íslandi gríðarleg efnahagsleg tækifæri á næstu áratugum. Í þættinum kom fram að íslenska landgrunnið geymdi mikil verðmæti í formi málma, olíu og gass og að Ísland ætti að nýta þau sjálft í stað þess að afhenda Brussel áhrif yfir þeim.
Kom fram í þættinum að Evrópusambandið stefndi að því að ná áhrifum yfir íslenskum auðlindum með pólitískum þrýstingi og aukinni aðlögun Íslands að stefnu sambandsins.
Evrópusambandsaðild færir Íslendingum ekki betri lífskjör
Í umræðunni var einnig farið yfir fullyrðingar um að Evrópusambandsaðild myndi færa Íslendingum lægri vexti og betri lífskjör. Kom fram að slíkur málflutningur vera áróður og Íslendingar gætu nú þegar tekið lán erlendis og nýtt sér evrur án þess að ganga í Evrópusambandið. Þau töldu að íslenskur landbúnaður og sjávarútvegur eigi á hættu að veikjast verulega með inngöngu í sambandið og ákvarðanir um íslenskar auðlindir myndu færast frá Íslandi til embættismanna í Brussel.
Í þættinum var einnig rætt um orkuskort, fátækt og pólitíska upplausn í Evrópu. Kom fram gagnrýni á Evrópuríki fyrir að hafa dregið úr olíu- og gasvinnslu vegna loftslagsstefnu Evrópusambandsins og Evrópu veri að veikja eigin stöðu með þeirri stefnu.
Hlusta má á ítarlegri umfjöllun í spilaranum hér að neðan.