Það eru vísbendingar um að fleiri en einn hafi komið að skotárásinni að Trump og atburðarrásin sé í raun alls ekki sú sem hún hafi virst vera í fyrstu ef grannt er skoðað. Þetta segir Bjarni Hauksson þjóðfélagsrýnir en hann var gestur Arnþrúðar Karlsdóttur og Péturs Gunnlaugssonar í Heimsmálunum í dag.
Bjarni segir að umræðan um morðtilræðið á Donald Trump hafi verið hrikaleg. Meginstraums fjölmiðlar vildu ekki viðurkenna að um morðtilræði hafi verið að ræða í fyrstu, þar sem það mátti ekki vekja samúð með Trump og aðstæðum sem hann lenti í. Í staðinn hafi verið rætt um Trump eins og vandræðakrakka sem þurfti að fjarlægja af sviðinu þegar skotárásin var gerð.
Búið að bora gat á vegg sem sneri að Trump í ræðupútinu
Samkvæmt Bjarna voru þrjár leyniskyttur inni í húsinu sem tilæðismaðurinn Thomas Matthew Crooks var ofan á en skytturnir hafi verið staðsettar innanhúss á efri hæðinni. Á neðri hæðinni höfðu verið framin ítrekuð innbrot af fíkniefnaneytendum og lögreglan hafði sett þar upp ódýrar myndavélar. Þegar farið var að skoða gagnagrunninn var hann horfinn, en myndefni sem náðist að bjarga sýndi að þrjár leyniskyttur voru inni í húsinu. Það vekur einnig athygli að búið var að bora gat á veggina á þeirri hlið hússins sem sneri að Trump.
Skotið úr fleiri byssum en þeim sem Crooks skaut úr
Í myndbandi þar sem skothvellir heyrast vel má greina að skotið var úr fleiri byssum en þeim sem Crooks skaut úr og þeim sem leyniskytturnar, sem felldu Crooks, skutu úr. Bjarni segir að nákvæm rannsókn ætti að leiða í ljós hvaðan öll þessi skot komu.
Planað að koma sökinni á Antifa meðlim
Bjarni segir að hann hafi lagst í talsverðar rannsóknir á árásinni og athuganir hans hafi leitt í ljós að veðjað hafi verið fyrir háar fjárhæðir að Trump veldið yrði hrunið helgina eftir tilræðið, en veðmálið var handsalað áður en tilræðið var framið. Planið hafi upphaflega verið að koma sökinni á Antifa meðlim sem átti að hafa verið felldur á flótta og þeirri sögu var komið af stað strax eftir tilræðið, en það mistókst að koma þeirri sögu á flug. Bjarni segir að ef tekist hefði að myrða Trump hefði það þjónað vel hagsmunum World Economic Forum.
Ef tekist hefði að myrða Trump hefði það komið sér vel fyrir WEF
Þá ræddi Bjarni í þættinum um þá ákvörðun Joe Biden að draga framboð sitt til baka og bendir Bjarni á að Kamilla Harris geti ekki orðið forsetaefni í nokkuð mörgum fylkjum vegna þess að ákveðin fylki hafa reglur um að ekki megi breyta um forsetaefni eftir ákveðinn tíma og sá tími sé þegar liðinn. Þetta setur möguleika hennar á forsetaframboði í verulegan vanda.
Hlusta má á ítarlegri umfjöllun í spilaranum hér að neðan