Heimsmálin: Heimildarmynd um endurræsinguna miklu vekur heimsathygli

Heimildarmyndin Die Suddenly sem frumsýnd var á vef Rumble fyrir tæpri viku hefur vakið gríðarlega athygli um allan heim og hefur nú á tæpri viku fengið nærri tíu milljón áhorfa. Í þættinum Heimsmálin, fréttir og fréttatengt efni af erlendum vettvangi í dag fjallaði Gústaf Skúlason fréttamaður í Stokkhólmi um myndina en Gústaf var viðmælandi Péturs Gunnlaugssonar.

Myndin fjallar um skyndilega aukningu á skyndilegum andlátum fólks víða um heim sem fóru að koma fram skömmu eftir að bólusetningar gegn Covid19 hófust. Í myndinni er meðal annars sagt frá uppgvötun réttarmeinafræðinga á sérkennilegum gúmmíkenndum lengjum, sem eru nokkurs konar blóðtappar sem finnast í æðum þeirra sem látist hafa skyndilega og hafa það eitt sameiginlegt að hafa verið bólusettir gegn Covid19.

Í myndinni eru yfirvöld í Ísrael og Bandaríkjunum sögð fela sannleikann um skaða af völdum bóluefnisins. Að sögn Steve Kirsch frumkvöðuls og tölvufræðings sem rætt er við í myndinni hafa bandarísk yfirvöld neitað að skoða gögn sem sýna að bóluefnin séu alls ekki örugg. Hann sjálfur sé ekki andstæðingur bólusetninga og lét sjálfur bólusetja sig en fór að gruna að ekki væri allt með felldu þegar vinkona hans greindi honum frá því að þrír ættingjar hennar hefðu látist skyndidauða skömmu eftir að hafa verið bólusettir.

Þá er þeirri spurningu velt upp í myndinni hvort bólusetningar gegn Covid séu hluti af endurræsingunni miklu og hvort þær séu gerðar til þess að þjóna markmiðum glóbalista og loftslagsdómsdagspredikara um að fækka jarðarbúum „til heilla fyrir plánetuna.“ Í myndinni kemur fram sú afstaða, að það sé barnaskapur að trúa því ekki að til séu valdamiklir einstaklingar í heiminum, sem næra illar hugsanir og hvatir.

Horfa má á myndina hér að neðan

Deila