Arnþrúður Karlsdóttir og Pétur Gunnlaugsson ræddu í Heimsmálunum í dag við Irisi Erlingsdóttur fjölmiðlafræðing í Minnisoda í Bandaríkjunum um morðtilræðið gagnvart Donald Trump forsetaframbjóðanda. Rætt var meðal annars um þátt fjölmiðla í hatursfullri umræðu og áróðri um Trump síðustu árin sem dreift hefur verið markvisst í gegnum meginstraumsfjölmiðla víða um heim.
Morðtilræðið gagnvart Donald Trump má rekja að miklu leyti til þess að ítrekað og markvisst hefur verið alið á hatri gegn Trump og hann uppmálaður sem holdgervingur alls ílls í heiminum. Þetta hefur verið markviss orðræða í fjölmiðlum bæði erlendis og hér heima, meðal annars á Ríkisútvarpinu.
Trump líkt við Hitler og Mussolini
Íris segir að það sem sagt hefur verið um Trump bæði af hálfu demókrata og fjölmiðla sé í raun alveg ótrúleg og forkastanleg. Honum hafi til að mynda verið ítrekað líkt við Hitler og Mussolini og meira segja hafa sumir fjölmiðlar gengið svo langt að birta forsíðumyndir þar sem búið er að setja hann hreinlega í gervi Hitlers.
Joe Biden: Setja þarf skotmarkið á Trump
Hún segir að með því að setja fram orðræðuna og myndir fram á þennan hátt sé verið að planta þeirri hugmynd inn hjá fólki að maðurinn sé stórhættulegur og að losna þurfi við hann. Hún bendir á að Joe Biden sé alls ekki saklaus að hafa talað með slíkum hætti um Trump og nefnir sem dæmi að í samtali Joe Biden við fólk innan demókrataflokksins þann 8. júlí síðastliðinn hafi hann sagt að setja þyrfti skotmarkið á Trump.Þá kom fram að Joe Biden forseti hafi haldið því ítrekað fram að Trump ætli sér að eyðileggja þjóðfélagið og lýðræðið, hann sé stór hættulegur glæpamaður. Joe Biden lét líka hafa eftir sér að ef Trump tapaði kosningunum það yrði blóðbað í Bandaríkjunum.
Hér að neðan má heyra svo hljóðbút þar sem Joe Biden, Camilla Harris og fleiri ræða um hvernig þau vilja ganga frá Donald Trump.
Á Íslandi eru hatursfull og illgjörn ummæli stunduð gegn Trump
Þá virðist þeir fjölmiðlar sem séu fjandsamlegir Trump lítið við þá atburðarrás að athuga að morðtilraæði hafi verið framið gegn Trump og sleppa því að spyrja gagnrýnna spurninga um málið og láta í raun sem ekkert sé og reyna að gera sem minnst úr alvarlegri morðtilraun. Í þættinum kom fram að hér á Íslandi hafi áróðurinn gegn Trump verið nánast pínlegur allt frá árinu 2015. Sömu aðilar hafi statt og stöðugt verið dregnir fram í dagsljósið undir merkjum fræðimennsku eða sérfræðiþekkingu á bandarískum stjórnmálum en lítið hafi farið fyrir fræðimennskunni heldur fyrst og fremst birst hatursfull og illgjörn ummæli gegn Donald Trump.
Hlusta má á ítarlegri umræður um málið í spilaranum hér að neðan