Heimsmálin: Ný fjölmiðlalög í Georgíu taka á erlendum falsfréttum

Nýjum fjölmiðlalögum í Georgíu var ætlað að taka á hagsmunaöflum sem hafa orðið uppvís af því að fjármagna falsfréttir í þeim tilgangi að grafa undan stjórnvöldum þar í landi. Því er það óskiljanlegt hvers vegna utanríkisráðherra Íslands hafi haft afskipti af lagasetningunni, meðal annars með þátttöku sinni í götumótmælum. Þetta var meðal þess sem fram kom í máli Hauks Haukssonar fréttamanns í Moskvu í Heimsmálunum í dag en hann var gestur Arnþrúðar Karlsdóttur.

Haukur bendir á að þessi hagsmunaöfl hafi fengið liðssinni stórra fjölmiðla í eigu Rothschild fjölskyldunnar með því að greiða háar upphæðir og þannig hafi falsfréttir og áróður miðla þeirra verið notaður gegn stjórnvöldum í landinu. Þetta hafi stjórnvöld eðlilega viljað koma í veg fyrir enda sé um að ræða áhrif afla erlendis frá. Haukur segir að þessi hagsmunaöfl séu að stærstum hluta til sjóðir sem séu gríðarmargir í Georgíu en þeir séu um 15.000 talsins en þar á meðal eru sjóðir eins og Clinton Foundation, sjóðir á vegum George Soros, WEF og fleiri.

Utanríkisráðherra Íslands hótar aðgerðum

Haukur segir að viðbrögðin við fyrirhugaðri lagasetningu hafi ekki látið á sér standa því Bandaríkin hafa til að mynda hótað hörðum refsiaðgerðum og þá hafi Þórdís Kolbrún Reykfjörð Gylfadóttir utanríkisráðherra Íslands einnig hótað aðgerðum gegn Georgíu í samtali hennar við forseta þingsins þar í landi.

Framkoma utanríkisráðherra óviðeigandi

Haukur segir framkomu Þórdísar langt því frá vera fagmannlega og í raun ganga gegn þeirri framkomu sem diplómatar eiga að viðhafa enda sé um algert innanríkismál að ræða sem erlendar þjóðir eigi ekki að vera að skipta sér af.

Hlusta má á ítarlegri umfjöllun um málið í spilaranum hér að neðan.

Deila þessari frétt á samfélagsmiðla

Deila