Það voru fyrst og fremst ríkisstjórnarflokkarnir sem vildu koma Katrínu Jakobsdóttur að í sæti forseta á Bessastöðum enda vilja þeir halda utanríkisstefnunni óbreyttri og eru hallir undir þann vilja að koma Íslandi undir yfirþjóðlegt vald. Katrín sé beintengd World Ecconomic Forum og WHO enda sendiherra þar. Þetta var meðal þess sem fram kom í Heimsmálunum í dag en þar var Haukur Hauksson gestur Arnþrúðar Karlsdóttur.
Hins vegar hafi Halla Tómasdóttir verið kjörin forseti en hún leggi meðal annars áherslu á friðarmál. Haukur bendir á að Halla hafi sagt NATO ekki vera varnarbandalag heldur sóknarbandalag og segir Haukur það rétt vera.
75% þjóðarinnar sigraði elítuna
Arnþrúður segir að það sé ljóst að 75% þjóðarinnar hafi kosið gegn elítunni og hafi þannig vilja forða þjóðinni frá þeirri stefnu sem hér hafi verið reynt að innleiða. Haukur bendir á að Katrín hafi mjög lengi verið yfir þessari ríkisstjórn sem hafi mjög aggressíva utanríkisstefnu og margir frambjóðendanna ásamt Höllu hafi lagt mikla áherslu á að vopnakaup ríkisstjórnarinnar fyrir Úkraínu væri hneyksli.
Hvert fer 16 milljarða stuðningur Íslands
Í þættinum var einnig rætt um 16 milljarða stuðning til Úkraínu sem Bjarni Benediktsson forsætisráðherra hefur ákveðið að veita og skrifað undir samning þess efnis. Fram kom í þættinum að ekkert sé í raun vitað í hvað þessir fjármunir fari í raun og í raun alls óvíst hvort þeir skili sér til til dæmis til hjálparstarfs í landinu.
Hlusta má á nánari umfjöllun í spilaranum hér að neðan