Sem frægt er hefur Evrópusambandið sett sig í samband við Elon Musk nýs eiganda Twitter og hótað meðal annars að loka á miðilinn í Evrópu fari hann ekki eftir fyrirskipunum þess og ritskoði miðilinn. Nú hafa Sameinuðu þjóðirnar sent Musk erindi þar sem þess er krafist að hann ritskoði gagnrýni sem snýr að aðgerðum gegn Covid, meðal annars bólusetningarherferðum. Í þættinum Heimsmálin, fréttir og fréttatengt efni af erlendum vettvangi ræddi Arnþrúður Karlsdóttir við Leif Árnason flugstjóra um málið en hann hefur kynnt sér vel þær afleiðingar og áhrif sem Covid bóluefnin hafa í för með sér.
Leifur segir málið alvarlegt því tilgangurinn sé að þagga niður í fólki en tilraun SÞ til þöggunar komi honum þó ekki á óvart, sér í lagi sé litið til uppruna Sameinuðu þjóðanna sem upphaflega var þjóðarbandalagið sem stofnað hafi verið árið 1920 meðal annars af tilstuðlan Rockafeller, svo hafi SÞ verið stofnaðar 1946 og eru enn studdar af sömu öflum og meðal annars útvegað landsvæðið undir höfuðstöðvarnar, þá bendir Leifur á að frá upphafi hafi allir aðalritarar SÞ annað hvort verið sósíalistar eða kommúnistar og nú vilji þeir stýra málfrelsinu.
Málið minnir á þöggun fyrri tíma
Hann minnir á að tilraunir til stýringar á málfrelsinu hafa átt sér stað áður, til dæmis á tímum nasista og svo á tímum Stalíns.
Arnþrúður velti þeirri spurningu upp hvort þarna væri sagan að endurtaka sig enda séu glóbalistaöfl sem innihalda meðal annars World economic forum, George Soros, Evrópusambandið og SÞ sem vilji eina alheimsstjórn, sem sé í raun sama hugmyndafræði og öfgaöfl fyrri tíma aðhylltust. Þar var krafist ritskoðunar, málfrelsishafta, allir gengu í takt og svo framvegis. Nú sé allt reynt til þess að koma höggi á Musk og meðal annars reynt að draga hann fyrir dómstóla svo bætist SÞ í hóp þeirra sem vilji stýra því sem fram fer á Twitter.
Rök sem halda ekki vatni
Leifur undrast þau rök sem sett séu fram í bréfi Volkers Turk fyrir hönd SÞ til Musk fyrir því hvers vegna þeir vilji að Musk ritskoði Twitter. Því er meðal annars haldi þar fram að gagnrýni á bóluefnin séu hatur sem hvetji til mismununar fjandskapar eða ofbeldis. Leifur veltir því fyrir sér hver meiningin sé í þessum fullyrðingum Volkers því það liggi fyrir opinber gögn sem sýni fram á skaðsemi mRNA bóluefna sem meðal annars rústi ónæmiskerfi fólks sem sé grafalvarlegt því ónæmiskerfið vinni meðal annars gegn því að líkaminn fái krabbamein og fleiri alvarlega sjúkdóma.
Arnþrúður bendir á að það sé graf alvarlegt fyrir heimsbyggðina að Sameinuðu þjóðirnar séu farnar að hafa í frammi ritskoðunartilburði því ef þetta sé línan sem fara eigi eftir sé ljóst að ekki megi einu sinni segja fólki sannleikann um bóluefnin því þá sé það túlkað sem gagnrýni sem sé hatursorðræða og geti talist mannréttindabrot.
Katrín að vinna að sama markmiði hérlendis?
Leifur rifjar upp að Katrín Jakobsdóttir forsætisráðherra sé einmitt með vinnuhóp að störfum sem sé ætlað að taka á hatursorðræðu í samfélaginu og segir Arnþrúður að þetta sem nú sé komið upp sé óneitanlega partur af því. Þetta afhjúpi það sem forsætisráðherra ætli sér með þessum starfshópi.
„mér finnst þetta mál með Musk algjörlega afhjúpa það sem Katrín Jakobsdóttir forsætisráðherra ætlar að koma með fyrir þingið nú um áramótin“ segir Arnþrúður.
Leifur segir að fylgjast þurfi vel með því máli og hvetur fólk til þess að segja sína skoðun á því, það sé hægt með því að senda athugasemdir sínar á þingið þegar frumvarpið um efnið er í nefnd.
