Arnþrúður Karlsdóttir og Guðmundur Franklin Jónsson ræddu í Heimsmálunum í dag um hernaðaraðgerðir Ísraels og Bandaríkjanna gegn Íran sem að þeirra mati beindust ekki einvörðungu að hernaðarlegum skotmörkum heldur að upplýsingaöflun og haldlagningu gagna sem tengdust djúpríkinu og City of London. Donald Trump Bandaríkjaforseti væri að framkvæma aðgerðir sem hann hefði lofað fyrir kosningar og þessi aðgerð væri óhjákvæmilegur liður í því. Aðgerðirnar hefðu verið framkvæmdar til að ná í tiltekin skjöl sem tengdust Barack Obama, Hillary Clinton, Osama bin Laden, Covid 19 tilraunastöð í Wuham og Epstein-skjölunum, auk þess sem þær tengdust morðtilraunum gegn Donald Trump.
Kom fram að djúpríkið væri með útibú í Íran þar sem skjöl, sem væri ekki ætlað að koma fyrir almenningsjónir, væru falin í Íran. Djúpríkið stundaði peningaþvætti í Íran sem væri verið að afhjúpa, rétt eins og Epstein skjölin sem tengir Elítu kapal saman víða um heiminn.
Hlusta má á þáttinn í spilaranum hér að neðan.
Skjöl tengd Obama, Hillary Clinton og Osama bin Laden
Samkvæmt því sem fram kom voru aðgerðirnar sagðar hafa það markmið að ná í skjöl sem geymd hefðu verið í Íran og innihéldu upplýsingar um samskipti og fjárhagslegar ráðstafanir tengdar stjórnartíð Barack Obama og Hillary Clinton. Fram kom að í þessum gögnum væru upplýsingar aðkomu Hillary Clinton og Barack Obama við að hjálpa Irönum að koma sér upp kjarorkuvopnum með peningasendingum. Þá væru upplýsingar um meðferð frystra íranskra fjármuna og um samkomulag sem leitt hefði til þess að milljarðar dollara voru leystir út.
Epstein-skjöl og þrír gagnapakkar
Í þættinum kom fram aðgerðirnar hefðu meðal annars snúið að svonefndum Epstein-skjölum. Epstein skjölin hefðu, að hluta, verið falin í Íran og að þau hefðu verið hluti af þremur aðskildum gagnapökkum sem nú hefðu verið sameinaðir. Gögnin tengist háttsettum aðilum innan djúpríkisins, sem vildu vera í skattaskjóli og kom framað þessar upplýsingar gætu haft verulegar pólitískar afleiðingar í Bandaríkjunum og jafnvel hér á Íslandi. Bent var á að skjölin vörðuðu einnig frásögnina af meintum dauða Osama bin Laden og hvernig hún var kynnt opinberlega og hvaða aðgerðir fóru fram í Pakistan.
Brettum af reiðufé flogið milli landa
Í þættinum var einnig rætt um að stórar fjárhæðir hefðu verið fluttar, milli landa, í reiðufé á brettum, meðal annars til Evrópu, Sviss og Íran. Málið tengist losun frystra fjármuna Írans og þrýsting íranskra stjórnvalda á bandarísk stjórnvöld. Greint var frá því í þættinum að þessir fjárflutningar tengdist bæði pólitískum ákvörðunum og starfsemi leyniþjónustu.
Morðtilraunir gegn Donald Trump og hlutverk CIA
Í umræðunni kom einnig fram að Íran hefði staðið að morðtilraunum gegn Donald Trump, meðal annars í tengslum við nýlegt atvik við Mar-a-Lago. Einnig hefur aðili verið dæmdur sem var staðinn að tilraun til þess að ráða Trump af dögum á golfvelli í hans eigu. Morðtilræðið tengist baráttu Trumps við djúpríkið en CIA, sem Guðmundur Franklin lýsti, sem stofnun sem starfaði sem „ríki í ríkinu“ tengist málinu.
Hormuz-sund og áhrif á olíuverð
Þá var fjallað um áhrif stríðsaðgerðanna á olíumarkaði og siglingar um Hormuz-sund. Bent var á að tryggingafélög í London hefðu áhrif á hvort skip sigldu um sundið og að hótanir Írans hefðu skapað óvissu á mörkuðum. Þrátt fyrir væntingar um mikla hækkun olíuverðs hefði hækkunin fyrst um sinn verið takmörkuð, þó talið væri að frekari þróun gæti haft víðtæk áhrif á heimsmarkaði og verulega hækkun olíuverðs.
Hlusta má á ítarlegri umfjöllun í spilaranum hér að neðan.