Thomas Matthew Crooks sem reyndi að ráða Donald Trump af dögum á laugardag hafði verið alinn upp í samfélagi sem reynt hefur verið að heilaþvo og koma að þeirri trú að Donald Trump væri nánast endurholdgaður Adolf Hitler og það var það hatur sem knúði manninn til verka. Þetta segir Bjarni Hauksson þjóðfélagsrýnir en hann var gestur Hauks Haukssonar í Heimsmálunum.
Bjarni segir Crooks hafa verið þessi týpíski árásarmaður sem orðið hafði utanveltu í skóla og jafnvel lagður í einelti og þegar aðstæður eru þannig er hætta á að þeir fremji voðaverk en til þess þurfi ákveðna kveikju. Til dæmis hatur gagnvart einstaklingum og á slíku hatri hefur verið alið gagnvart Trump í umræðunni í Bandaríkjunum.
Crooks gæti hafa talið að hann hefði þá skyldu að drepa Trump
Þannig hefur Crooks verið haldinn þeim ranghugmyndum og líklega sjálfur metið sem svo að hann gæti ekki bara réttlætt verkaðinn heldur bæri honum einfaldlega skylda til þess að ráða Trump af dögum.
FBI komst ekki inn í síma Crooks
Bjarni segir að það merkilega sé að Crooks virðist hafa getað gengið að því sem vísu að komast upp stigann og koma sér fyrir þar sem leyniskytta sæi ekki til hans svo auðveldlega. Eftir að hann var felldur hafi þó merkilegasta atriðið við manninn komið í ljós. Það er sú staðreynd að FBI kemst ekki inn í símann hans til þess að rannsaka hann.
Crooks með elítusíma
Bendir Bjarni á að símar sem almenningur hafi aðgang að og geti keypt séu framleiddir þannig að FBI geti auðveldlega komist inn í þá. Það sé hins vegar útilokað að komast inn í síma Crooks sem veki upp ákveðnar spurningar. Bjarni segir að framleiddir séu sérstakir símar sem ætlaðir eru elítunni en aðeins þeir símar séu gerðir þannig að ekki einu sinni FBI komist inn í innihald þeirra. Það sem er sérstakt við þetta sé að þeir símar eru ekki seldir almenningi og sú spurning vaknar hvernig Crooks komst yfir slíkan elítusíma.
Hlusta má á nánari umfjöllun í spilaranum hér að neðan