Verið er að koma á ný-kommúnisma í vestrænum samfélögum og Evrópu með markvissum hætti og það er mjög hættuleg þróun. Þetta segir Haukur Hauksson fréttamaður í Moskvu en hann var gestur Arnþrúðar Karlsdóttur í Heimsmálunum en hlusta má á þáttinn í spilaranum hér að neðan.
Engin landamæri eða trúarbrögð
Haukur segir þessa hugmyndafræði byggja á því að engin landamæri eða trúarbrögð skuli vera til staðar og að blöndun menningarheima sé nauðsynleg. Hún feli einnig í sér áherslu á alþjóðahyggju, þar sem kapítalismi er samþættur hugmyndum um félagslegt réttlæti.
Afnema skuli þjóðleg sérkenni í þágu alheimsstjórnar
Haukur bendir á að þessi nýja stefna hefur verið tengd við flokka sem kenna sig við lýðræði í vestrænum ríkjum þótt það sé ekkert lýðræðislegt við þessa stefnu. Áhersla er lögð á að afnema landamæri og þjóðleg sérkenni í þágu alheimsstjórnar og samruna menningarheima. Hann segir þetta í raun vera nýtt form kapítalísks kommúnisma, þar sem markmiðið er að skapa samfélag án þjóðríkja eða trúarbragða.
Alþjóðlegt kerfi og vald flutt til elítunnar
Haukur segir hugmyndafræðina mjög varhugaverða og geta haft í för með sér alvarlegar afleiðingar fyrir þjóðríkin og sjálfstæði þeirra. Hann segir ný kommúnisma leiða til þess að þjóðir glati sjálfstæði sínu og verði hluti af alþjóðlegu kerfi þar sem vald er í höndum elítunnar.
Hlusta má á ítarlegri umræður um málið í spilaranum hér að neðan