Yfirvöld Svíþjóðar fella krókódílatár í fjölmiðlum vegna dráps glæpamanna á 12 ára saklausri stúlku sem lenti í kúlnahríðinni. Fjölmiðlar eru fullir af fréttum um ódæðið, – en morðið á Adríönu, 12 ára gamalli stúlku, dóttur pólskrar móður í suður Stokkhólmi er langt í frá að vera það fyrsta né það síðasta á saklausum vegfarandum í Svíþjóð. Þetta var meðal þess sem fram kom í máli Gústafs Skúlasonar í síðdegisútvarpinu í dag en hann var viðmælandi Péturs Gunnlaugssonar. Í þættinum kom það meðal annars fram að ”No go” svæðum er stjórnað af glæpamönnum og enn á ný þarf lögreglan að endurtaka sama boðskapinn eins og biluð grammófónplata: „Við ráðum ekki við þetta, við þurfum á hjálp að halda.”
Aðgerðin ”Hrímfrost” fækkaði skotárásum í Malmö tímabundið um allt að helming og sprengjuárásum um þriðjung en það dugir skammt þegar skotárásum og morðum fjölgar samanlagt í Svíþjóð á sama tíma. Það var samanbitinn og uppgefinn yfirmaður aðgerðarsviðs ríkislögreglunnar NOA, Stefan Hector, sem sagði í sjónvarpinu í gærkvöldi að
„hefðum við fengið þá 10 þúsund lögreglumenn sem við viljum fá, þá gætum við notað meiri kraft á fleiri stöðum. Þá gætum við náð tölunum niður.”
Þetta er þriðja helgin í röð með skotárásum í Botkyrka í suður Stokkhólmi. en frá áramótum hafa verið yfir 163 skotárásir í Svíþjóð. Glæpasérfræðingurinn Mikael Rying líkir ástandinu í Svíþjóð við villta vestrið enda hefur tala látinna tífaldast frá aldamótum.
Morðið á Adríönu hefur rifið upp tilfinningaflóð í Svíþjóð og hafa fjölmiðlar verið harðlega gagnrýndir fyrir að minnka eða hylma yfir ábyrgð morðingjanna. Sögðu sumir miðlar að morðið á Adríönu hafi verið mistök því ”glæpamennirnir hafi ekki ætlað að drepa Adríönu heldur tvo glæpamenn í skotheldum vestum fyrir utan MacDonalds” rétt eins og um slys sé að ræða og eðlilegt að glæpamenn keyri um á bílum og skjóti úr hríðskotabyssu á fólk. Fólk hefur hraunað yfir sænska ríkissjónvarpið fyrir að segja að „Adriana var á vitlausum stað á vitlausum tíma” eins og að það sé hennar sök að hafa verið drepin, hér nokkur athugasemdardæmi:
„Nei, saklaus manneskja í frjálsu landi getur aldrei verið á vitlausum stað á vitlausum tíma. Ábyrgðin er alfarið á herðum ódæðismannanna”
„Já, hún var svo sannarlega á vitlausum stað á vitlausum tíma. Hún var í Svíþjóð.”
„Hvernig getið þið haft svona fyrirsögn? Þið sýnið enn á ný að markmið ykkar er að láta þetta líta út sem eðlilegan hlut með svona orðalagi” segir annar.
Svíþjóðademókratar tístu: „Stúlkan var stödd í Svíþjóð Stefan Löfvens.”
Til að sjá morðið á Adríönu í samhengi við almenna ástandið kemur hér ófullkominn listi yfir innanlandsátökin í Svíþjóð síðasta mánuðinn. Hér er aðeins um toppinn á ísjakanum að ræða en afbrot eru orðin svo tíð að heila fréttadeild þarf til að fylgjast með þeim öllum. Hér eru einungis talin upp helstu skot- og sprengjuárásir, ekki nauðganir, rán, misþyrmingar, öll hnífaslagsmál eða slagsmál milli hópa með kylfum osfrv:
1. júlí
- Högdalen Stokkhólmi maður særður í skotárás á bílastæði matvörubúðar
- Maður drepinn í hnífaárás í Stokkhólmi
3. júlí
- Tensta Stokkhólmi skotið á strætisvagn, enginn særðist, kúlugöt við sæti bílstjórans
4. júlí
- Borås tvær skotárásir, enginn særðist
5. júlí
- Halmstad skotárás milli bíla, enginn særður
7. júlí
- Bredäng Stokkhólmi maður skotinn við íþróttavöll og fluttur á sjúkrahús
15. júlí
16. júlí
- Arboga sprengjuárás við búð, enginn særðist
20. júlí
- Uppsala skotárás í íbúðarhverf,i enginn særðist, fimm handteknir
21. júlí
- Gautaborg komið með skotsærðan mann á sjúkrahús
- Malmö íkveikjusprengju kastað að félagsmálastofnun, um 50 árásir á árinu
24. júlí
- Gävle einn maður á sjúkrahús eftir skotbardaga
25. júlí
- Örebro maður drepinn í skotárás í íbúðarhverfi
28. júlí
29. júlí
- Kristinehamn bréfsprengja í fjölbýlishúsi, enginn særðist
30. júlí
- Stenungsund mólótóvkokteil kastað inn á félagsmálastofnun
- Trelleborg tvær skotárásir á fjölbýlishús, enginn særðist, tveir handteknir
- Vällingby Stokkhólmi skotárás, maður skotinn
- Ljusdal skotárás, kona drepin, einn handtekinn
31. júlí
- Uppsala maður særður í skotárás
- Kristianstad mólótóvkokteil kastað að héraðsdómstólnum, enginn særðist
1. ágúst
2. ágúst
- Helsingborg bíll sprengdur í tætlur, enginn særðist
- Stokkhólmur handsprengju kastað inn í íbúð
3. ágúst
- Karlstad skotárás enginn særður
- Uppsala s.k. bangers með stórum hvellum kastað að dómkirkjunni og Gottsundaskólanum
- Borås hnífaslagsmál, fjórir særðir á sjúkrahús
4. ágúst
- Lund kveikt í móttöku fyrir börn og unglinga með geðræn vandamál
Hlusta má á þáttinn í spilaranum hér að neðan