Stór alþjóðleg læknaráðstefna fer fram í Stokkhólmi í dag og á morgun sunnudag. Gríðarlegur áhugi er á ráðstefnunni sem haldin verður í Stockholm Waterfront Congress Centre þessa helgi og hafa um 900 manns tilkynnt þátttöku. Meðal fyrirlesara eru heimskunnir læknar og baráttumenn gegn Covid-aðgerðum yfirvalda og jafnframt þeim skelfilegu afleiðingum eins og skyndidauða og ofurdauða af völdum mRNA – svo kölluðum bóluefnum, sem í reynd eru genalyf. Segir í kynningu Læknaákallsins að:
„15 leiðandi læknar, vísindamenn og lögfræðingar frá Bandaríkjunum, Kanada, Bretlandi, Frakklandi, Sviss, Belgíu, Úkraínu og Noregi halda fyrirlestra ásamt 7 Svíum.“
Hér að neðan má sjá dagskrá ráðstefnunnar og þar fyrir neðan viðtal Nils Littorin, sem er einn af stofnendum sænska Læknaákallsins, við Dr. Robert Malone. Á heimasíðu Læknaákallsins segir:
„Stuttu eftir að viðtalið var birt tilkynnti Malone, að hann samþykkti að tala á ráðstefnunni okkar. Við erum afar stolt af þessu, Malone fann upp mRNA tæknina og hefur djúpa innsýn í verkunarmáta bóluefnisins og er einn sá áberandi og frægasti af læknum og vísindamönnum sem hafa lýst yfir gagnrýni á opinbera heimsfaraldursstjórnun. Hann hefur nýlega gefið út bók um heimsfaraldurinn „Lygar sem stjórn mín sagði mér – og koma betri framtíðar“ (Lies my government said me – and the better future coming), sem er meðal söluhæstu bóka á Amazon.
