Glóbalistaelítan beitir „sviðsettri loftslagsmóðursýki“ til að knýja fram einræði í heiminum og er fullkomlega miskunnarlaus. Hún lætur sig aðeins varða „völd og peninga.“ Þetta fullyrðir hollenski réttarheimspekingurinn Eva Vlaardingerbroek í viðtali við Mark Steyn sjá myndband neðar á síðunni.
Eins og Útvarp Saga hefur áður greint frá, þá auka glóbalistarnir árásir á frjálsa bændur í Evrópu gegnum glæpsamlega loftslagspólitík Evrópusambandsins. Dómsdagspredíkarar halda því fram, að „losun“ landbúnaðarins skaði „loftslagið.“ Holland er eitt þeirra landa, þar sem árásirnar hafa staðið lengst. Stjórnvöld í landinu vilja taka yfir og loka þúsundum bæja. Að mati gagnrýnenda snýst þetta alls ekki um „loftslagsmálin“ heldur um að byggja húsnæði fyrir fjöldainnflytjendur og einfaldlega leggja undir sig meira land.
Hrottaleg losunarstefna Evrópusambandsins eyðileggur landbúnaðinn
Hin hrottalega stefna undir forystu ESB eyðileggur líf og framtíð bænda. Margir fremja sjálfsmorð. Réttarheimspekingurinn Eva Vlaardingerbroek segir í viðtali við Mark Steyn:
„Bara í morgun las ég um bónda sem svipti sig lífi. Margir bændur fremja sjálfsmorð í Hollandi. Það er um 20-30 bændur árlega. Þetta er auðvitað ofaukið í þessum hópi.“
Fórnarlömb glæpastefnu ríkisstjórnarinnar
Eva telur að bæði fólkið og bændurnir eru fórnarlömb vegna stefnu glóbalistanna. Sumir ganga svo langt að fremja sjálfsmorð.
„Þetta er vegna þess að þeir eru fullir örvæntingar út af glæpastefnu ríkisstjórnarinnar. Þessi maður sem framdi sjálfsmorð í gær var aðeins 25 ára gamall. Þetta er það sem við erum að glíma við. Við erum að glíma við ríkisstjórn sem er sama um fólkið sitt og mannlíf. Sem er algjörlega sama um fæðuframboðið. Allt sem þeim er annt um er eigin völd og peningar. Það er það sem við sjáum gerast – af fullum krafti.“
