„Hugrakki flokkurinn“ stofnaður til að stöðva bólusetningarherferð yfirvalda

Sandra Wigren og Andreas Sidkvist formaður Hugrakka flokksins kynntu hugmyndina að flokknum Hugrekki á Sænsku bóka- og fjölmiðlasýningunni sem haldin var 5. mars á SAS hótelinu í Frösunda í Stokkhólmi.

Hugrakki flokkurinn með kynningu á Sænsku bóka- og fjölmiðlasýningunn

Fréttaritari Útvarps Sögu fór á Sænsku bóka- og fjölmiðlasýninguna s.l. laugardag, þar sem fjölmargir fjölmiðla- og listamenn komu saman til að ræða ástandið í þjóðmálunum í Svíþjóð og heiminum. Einn af þeim aðilum sem tók þátt í umræðunum og kynnti stefnu sína var Hugrakki flokkurinn, sem verið er að stofna í Svíþjóð. Tilurð flokksins eru þvingunaraðgerðir yfirvalda í bólusetningamálum, samfélagsstjórn með neyðarlögum, boð um þvingandi bólupassa, skert mannréttindi og málfrelsi. Flokkurinn byggir á lýðræðislegum grundvelli í andstöðu við valdníðslu, einstrengingshátt og þvinganir ríkisins gegn einstaklingnum. Einnig leggur flokkurinn ríka áherslu að vinna fyrir þá hundruði þúsunda Svía sem á einn eða annan hátt eru fórnarlömb þeirra tilrauna erfðameðferðar sem verið er að sprauta í fólk.

Útvarp Saga hitti Andreas Sidkvist og fékk smá viðtal við hann á sýningunni.

ÚS: Segðu mér, hvernig stendur á því að þú fórst að stofna þennan flokk?

Andreas Sidkvist: Við stofnuðum nýjan flokk fyrir þremur mánuðum síðan með stjórnmálamönnum frá 6 mismunandi stjónmálaflokkum, sem eru í andstöðu við covid-stefnu yfirvalda.

Andreas Sidkvist formaður Hugrakka flokksins í Svíþjóð

ÚS: Nýr flokkur, var ekki hægt að starfa innan þingflokkanna til að ná markmiðum ykkar?

Andreas Sidkvist: Þeir sem hafa hætt í hinum flokkunum upplifðu að þeir gátu það ekki. Það hefur ríkt samstaða hjá þingflokkunum um, að eina rétta og mögulega leiðin væri að fjöldabólusetja alla. Við sem stöndum að Hugrakka flokknum erum alls ósammála því og teljum að fjöldabólusetningin séu mistök og að bóluefnin hafa sýnt, að þau eru alls ekki örugg og það eigi tafarlaust að hætta með þau.

Stefna á að komast á þing í haust

ÚS: Hvaða markmið hafið þið, hvað gerið þið næst?

Andreas Sidkvist: Markmið okkar er að taka þátt í þingkosningunum í haust og komast inn á þing. Við viljum ná áhrifum á yfirvöld og aðra flokka og virkja breiða samstöðu til að stöðva bólusetningarnar svo fljótt sem mögulegt er. Við viljum einnig vinna fyrir alla þá, sem eru fórnarlömb bólusetninganna og þeir sem opinberlega hafa fengið alvarlegar aukaverkanir eru yfir tíu þúsund og um 100 þúsund hafa fengið aukaverkanir. En einungis er talað um að aðeins 1-10% tilkynna, þannig að tölurnar eru langtum hærri, gætu verið allt að 100 þúsund Svíar sem hafa fengið alvarlegar aukaverkanir og um ein milljón Svía með aukaverkanir af einhverjum toga.

ÚS: Hvað gerið þið ef þið komist ekki á þing? Það þarf 4% sem eru mörg atkvæði.

Andreas Sidkvist: Já það gera um270 þúsund atkvæði. Við trúum að við höfum möguleika á að komast inn á þing, það eru um ein milljón Svía, sem vilja ekki láta sprauta sig. Við stöndum upp fyrir alla, sem hafa fengið aukaverkanir og munum halda útifund í Stokkhólmi í lok apríl, þar sem fólk mun koma, sem eru fatlað eftir sprauturnar, bæði í hjólastólum, með hækjur og annað. Við erum með átak undir nafninu SEGJUM FRÁ ÞESSU, þar sem fólk kemur með frásagnir sínar af afleiðingum sprautanna.

Við höfum opnað heimasíðuna partietmod.se og þar eru stefnumálum okkar gerð skil.

Stjórnmálamenn hættir að verja mannréttindi nema að fólk mótmæli

ÚS: Þannig að þú segir, að venjulegu flokkarnir sýna afleiðingum bólusetninganna á frískt fólk lítinn sem engan áhuga?

Andreas Sidkvist: Því miður virðast stjórnmálamenn okkar ekki lengur standa á grundvelli mannréttinda nema ef fólk mótmælir og er í kröfugöngum. Þeir vinna á grundvelli neyðarlaga og þvinga fólk að láta sprauta sig með efni sem er ekki einu sinnu viðurkennd, þau eru bara að hluta til viðurkennd. Með svo miklum aukaverkunum er ekki hægt að sitja hjá og horfa á og þess vegna teljum við að við náum víðari áhrifum með stofnun Hugrakka flokksins.

ÚS: Hefur þú séð með eigin augun samning t.d. Pfizer við sænsku ríkisstjórnina?

Andreas Sidkvist: Nei, ég hef lesið um samningana og veit að einhverjum þeirra hefur verið lekið. Samkvæmt þeim upplýsingum sem ég hef þá má líkja samningunum við svikasamninga. Það er ótrúlegt að sjá yfirvöld gefa verktökum algjört ábyrgðarleysi á framleiðslu sinni og að ríkisstjórnin eigi að borga hugsanlegar skaðabætur og kostnað við réttarhöld.

WHO spilltara núna en þegar Svínainflúensan gekk yfir

ÚS: Hvað gerir WHO?

Andreas Sidkvist: Ég hef reynt að skilja það og það virðist ekki vera betra en að lyfjaframleiðendur vilja græða eins mikla peninga og hægt er með því að láta bólusetja allt mannkyn. Það er að sjálfsögðu ágætis viðskiptahugmynd að allir þurfi að kaupa bóluefni til að bólusetja sig tvisvar þrisvar sinnum á hverju ári.

En svo hef ég komist að því, að þetta er líka stjórnmálaleg spurning. WHO er enn spilltara núna en á dögum Svínainflúensunnar, þegar verið var að fá fólk til að taka sprauturnar þá.

ÚS: Mér finnst þú vera hugrakkur sem stofnar nýjan flokk, það gerist ekki á einum degi…..

Andreas Sidkvist: Nei, það tók nokkra daga.. ha, ha…nej það er svo mikil reiði og gremja vegna bólusetninganna, að við viljum koma til aðstoðar. Við stofnuðum flokkinn á vetrarsólstöðunni 21. desember og merkið okkar er sólrósin. Við teljum að það þurfi skipulagða andspyrnuhreyfingu gegn þessum neyðarboðum um að bólusetja allt mannkyn. Á hinum endanum höfum við aðgerðir eins og Endurræsingin mikla og aðila eins og World Economic Forum, þar sem stór alþjóðafyrirtæki ákveða fyrir okkur, hvaða framtíð við eigum að fá.

Gegn þessu verðum við að hafa okkar sýn á því, hvernig framtíð við viljum hafa og við trúum frekar á lýðræði og ákvarðanatökur teknar af fólkinu sjálfu á staðbundnum svæðum í staðinn fyrir alþjóða elítu, sem vill fá okkur að vera eins og hentar þeim.

Verðum fyrir aðkasti vegna krafna okkar um tafarlausa stöðvun covid-bólusetninga

ÚS: Þið verðið með mótmæli?

Andreas Sidkvist: Ég hóf aðgerð sem kallaðist „Brettum niður ermarnar“ þar sem við mótmæltum þekktri auglýsingaherferð „Brettum upp ermarnar“ en þar voru m.a. þekkt listafólk og þjóðþekktir einstaklingar látnir koma fram og reka áróður til ungs fólks að láta bólusetja sig. Við fengum fljótlega góð viðbrögð og frásagnir einstaklinga sem lýstu neikvæðum áhrifum sprautanna.

En drifið gegn okkur er þungt og við kölluð öllum íllum nöfnum. Í fyrra lyfti Aftonbladet mér fram sem umhverfishetju af því að ég mælti með lestarferðum en eftir að ég byrjaði með Hugrakka flokkinn hafa menn verið settir til höfuðs mér til að gera lítið úr mér og hugmyndum okkar og segja okkur „öfgakennd“ fyrir að vilja berjast gegn lygum lyfjarisanna. Til dæmis segja þeir að bóluefnin hafi ekki áhrif á erfðavísi mannsins en núna hafa komið fram skýrslur sem sanna það. Hvernig getur þetta fólk staðið fyrir allan heiminn og logið svona?

ÚS: Síðasta spurningin: Hefurðu komið til Ísland?

Andreas Sidkvist: Nei því miður en ég vildi gjarnan koma þangað og geri eflaust síðar.

Útvarp Saga þakkaði formanni Hugrakka flokksins kærlega fyrir tímann og viðtalið og upplýsingarnar.

Deila