Loftslagið er „fyrirsláttur“ sem valdaelítan notar til að hrifsa til sín peninga og völd frá venjulegu fólki. Það sagði rúmenski ESB-þingmaðurinn Cristian Terhes á Evrópuþinginu í fyrri viku (sjá myndband neðar á síðunni). „Elítan“ hræðir líftóruna úr fólki vegna lífsnauðsynlegrar lofttegundar sem er hverfandi lítið hlutfall af andrúmsloftinu. Nýir skattar eru lagðir á fólk, þjónustu og vörur sem elítan græðir sjálf á samtímis sem venjulegt fólk verður fátækara.
20. apríl kom til harðra orðaskipta í loftslagsumræðu á ESB-þinginu, þegar rúmenski ESB-þingmaðurinn Cristian Terhes gagnrýndi loftslagshreyfinguna harðlega:
„Við erum greinilega að fást við trúarbrögð og sértrúarsöfnuð, frekar en hreyfingu sem byggir á vísindum. Koltvísýringur er lofttegund sem stendur fyrir 0,041% af öllu andrúmsloftinu. Þrátt fyrir þetta litla hlutfall hafa herferðir staðið yfir í áratugi til að telja fólki trú um, að koltvísýringur af mannavöldum sé orsök loftslagsbreytinga. Fyrirhugaðar lausnir til að berjast gegn loftslagsbreytingum eru hærri skattar og meira eftirlit stjórnvalda auk skertra réttinda og valmöguleika fyrir fólk.“
Fólk á skilið betri framtíð
„Losun koltvísýrings verður að kosta það mikið að við breytum hegðun okkar, sagði Ursula von der Leyen í þessum sal árið 2019. Hið yfirlýsta markmið er skýrt; breyta á hegðun okkar með hærri sköttum og verðlagi, þar sem baráttan gegn loftslagsbreytingum er notuð sem fyrirsláttur. Fólkið á skilið betri framtíð en þá, sem fengin er með lögum sem gerir það fátækara á meðan lítil elíta verður ríkari á því að selja og þvinga vörum og þjónustu á fólk, sem það vill ekki og þarfnast ekki, en sagt er að bjargi plánetunni.“
Gagnrýndur fyrir að gagnrýna Gretu Thunberg
Cristian Terhes var gagnrýndur fyrir að voga sér að gagnrýna loftslagsskurðgoðið Gretu Thunberg:
„Það gleður mig að þið spyrjið þessarar spurningu, því það kemur á óvart, að þegar við tölum um mikilvægt efni eins og loftslagsbreytingar t .d. í fjölmiðlum og líka á þessu þingi, þá er meira vitnað í fólk eins og Gretu Thunberg en alvöru sérfræðinga. Þannig að ég svara þér með spurningu: Hvaða sérfræðiþekkingu hefur Greta Thunberg eða Bill Gates, til dæmis til halda fyrirlestra yfir okkur, þvinga okkur og reka áróður fyrir því að sett verði lög sem brjóta á réttindum fólks en færir þeim sjálfum fé?“
Vísindi byggja á staðreyndum en hér heyri ég bara áróður
„Svo svarið því nákvæmlega sem ég spyr, því ef þetta eru vísindamenn… Skiljið að vísindi byggja á staðreyndum – ekki áróðri og allt sem ég hef heyrt hér er bara áróður – engar staðreyndir. Þið verðið að útskýra fyrir evrópskum þjóðum, hvernig lofttegund sem stendur fyrir 0,041% af andrúmsloftinu veldur öllum þessum hamförum sem þið haldið fram.“
