Það eru fáir hér á landi sem fara í skóna hans Herberts Guðmundssonar tónlistarmanns enda býr hann yfir slíkum æskuljóma og æskuþrótt að hann er nánast eins og unglingur þó hann sé orðinn 69 ára. Í þættinum Heilsa og vitund ræddi Anna Björg Hjartardóttir við Herbert og spurði hann meðal annars út í hver galdurinn á bak við þennan mikla æskuljóma væri.
Herbert segir að aðal atriðið sé að hugsa vel um heilsuna og hugsa alltaf jákvætt og reyna að dreifa jákvæðni sem víðast. Hann nefndi dæmi um að þegar einhver kemur að máli við hann og gerir athugasemdir við einhvern fjarstaddan einstakling reyni Herbert eftir fremsta megni að benda á hvað sé jákvætt í fari viðkomandi því allir eiga sér góðar hliðar að mati Herberts. Þá eru heilsubætandi efni eins og Astazan og fleiri sambærilegar vörur einnig góð leið til þess að viðhalda æskuljómanum og segist Herbert taka t,d Astazan reglulega og finnur vel fyrir virkninni.
Ávinningur þess að hugsa vel um heilsuna hefur meðal annars stuðlað að því að Herbert er enn á fullu í tónlistinni og spilar nánast hverja helgi á böllum og hinum ýmsu samkvæmum. Hann segist ekkert vera farinn að huga að því að taka því rólega enda hafi hann enn mikið úthald og ætlar að halda áfram eins lengi og heilsan endist.
