Óbólusettir eiga að teljast hafa geðræn vandamál og eiga því að fá geðlyf
Ónæmisfræðingurinn William Makis segir, að eftirlitshópur lækna í Ontario í Kanada hafi lagt til að skilgreina beri óbólusett fólk sem hóp, sem þjáist af geðrænum vandamálum fyrir að neita að bólusetja sig með covid- bóluefni (sjá tíst neðar á síðunni). Slíka einstaklinga eigi að taka í geðræna meðferð.
Læknirinn William Makis segir, að eftirlitshópur lækna í Ontario í Kanada hafi sent öðrum læknum bréf, þar sem hvatt er til þess að litið verði á óbólusett fólk, sem vill ekki taka covid-bóluefnið, sem fólk sem þjáist af geðrænum vandamálum. Hann segir:
„Eftirlitshópurinn sendi út bréf eða minnisblað til allra lækna í Ontario, þar sem lagt er til – enn sem komið er eru þeir ekki að krefjast þess, bara að leggja það til – að óbólusettir sjúklingar þeirra teljist hafa geðræn vandamál og því ættu þeir að fá geðlyf.“
Makis leggur áherslu á, að enn sem komið er er aðeins um tillögu að ræða:
„Þeir ættu engan veginn að koma með svona tillögur. Þetta er ákaflega siðlaust og þeir eru úti að aka. Ef þeir meina, að það sé eitthvað athugavert við geðheilsu fólks, sem vill líkamlegt sjálfræði og tekur ekki tilraunabóluefni, þá er þeir á hættulegri ferð á hálum ís.“.
Reynt að hindra að fólk fái möguleika til að neita að bólusetja sig
Þegar í október var vakin athygli á svipuðu orðalagi á heimasíðu læknahópsins varðandi óbólusetta. Eftirfarandi er sagt hafa verið á heimasíðunni:
„Það er líka mikilvægt að læknar vinni með sjúklingum sínum til að takast á við áhyggjur sem tengjast bóluefninu og sjá til þess að engir möguleikar verði til undanbragða. Ef um alvarlegt áhyggjuefni er að ræða er ábyrg notkun lyfseðilsskyldra lyfja og/eða tilvísun í sálfræðimeðferð í boði.“
Samkvæmt The Epoch Times hafa ábyrgðarmenn í kjölfarið „útskýrt yfirlýsinguna“ og haldið því fram, að upplýsingarnar eigi við um allar tegundir trypanófóbíu, þ.e.a.s. ótta við lækningatæki og sprautur. Nadine Ness, sem tók eftir orðalaginu, skrifaði á Twitter 6. október:
„Við afhjúpuðum þetta í gær og eftir mikil viðbrögð, þá reyndu þeir að moka sig upp úr skurðinum. Þeir breyttu greininni á heimsíðunni og sögðu, að þeir hefðu meint eitthvað allt annað. Ég spáði því, að þetta gæti gerst og þess vegna birti ég skjáskot til viðbótar við hlekkinn.“ (Sjá tíst hér að neðan).
Sjá má viðtalið við William Makis í heild sinni hér, þar sem hann talar einnig um, að tæplega eitt hundruð lækna hafa dáið í Kanada í kjölfar bólusetninganna. Einnig ræðir hann um nýja gerð krabbameins „túrbókrabbamein“ sem kom eins og þruma úr heiðskíru lofti og dreifist á ógnarhraða meðal bólusettra.