Innrás Rússa í Úkraínu í febrúar 2022 var „skynsamleg aðgerð.“ Þetta skrifa John Mearsheimer og Sebastian Rosato, prófessorar í stjórnmálafræði, í nýlegri grein. Fyrir Vladimír Pútín, Rússlandsforseta, er þetta „sjálfsvarnarstríð“ – og alls engin tilraun til að leggja undir sig Úkraínu eða Evrópu eins og haldið er fram á Vesturlöndum.
John Mearsheimer og Sebastian Rosato, prófessorar í stjórnmálafræðum, halda því fram í grein í Unherd, að innrás Rússa í Úkraínu hafi verið skynsamleg athöfn af hálfu Rússlands. Það snerist aldrei um að leggja undir sig landið eða önnur lönd í Evrópu. Þeir halda því fram, að Pútín hafi í staðinn gengið út frá kenningu um valdajafnvægi. Hann leit á tilraun Vesturlanda til að breyta Úkraínu í vígstöð rétt við landamæri Rússlands sem óviðunandi tilvistarógn.
Vesturlönd virtu ekki rauða línu Rússlands
Meðal annars vísa þeir í ræðu sem Vladimír Pútín Rússlandsforseti flutti 24. febrúar 2022, þar sem hann sagði:
„Með stækkun Nató til austurs hefur ástandið fyrir Rússland orðið verra og hættulegra með hverju ári… Við getum ekki staðið með hendur í skauti og fylgst aðgerðalaus með þessari þróun. Það væri algjörlega ábyrgðarlaust af okkur … Fyrir landið okkar er þetta spurning um líf og dauða – spurning um sögulega framtíð okkar sem þjóðar. Það er ekki ofmælt, þetta er staðreynd. Það er ekki aðeins mjög raunveruleg ógn við hagsmuni okkar heldur tilveru ríkis okkar og fullveldi þess. Það er rauða línan sem við höfum oft á tíðum talað um. Þeir hafa farið yfir hana.“
Hvorki „óskynsamleg né afbrigðileg“ ákvörðun
Stjórnmálasérfræðingarnir tveir skrifa um þetta:
„Með öðrum orðum, þá er þetta sjálfsvarnarstríð fyrir Pútín sem miðar að því að koma í veg fyrir neikvæða breytingu á valdahlutföllum. Hann hefur ekki í hyggju að leggja undir sig alla Úkraínu og innlima hana í stærra Rússland…Þannig var ákvörðun Rússa um að ráðast inn í Úkraínu hvorki óskynsamleg né afbrigðileg.“
Andstæðingar eru ekki alltaf óskynsamir
Samkvæmt Mearsheimer og Rosato ættu leiðtogar á Vesturlöndum ekki sjálfkrafa að gera ráð fyrir því að andstæðingurinn sé óskynsamur. Þeir skrifa í greininni:
„Það er aðeins til þess fallið að grafa undan getunni til að skilja hvernig önnur ríki hugsa og hanna snjalla stefnu til að takast á við þau. Miðað við gífurlegan hlut í Úkraínustríðinu verður ekki hægt að undirstrika þetta nægilega.“
Hagur Vesturlanda að taka mark á Pútín
Að sögn greinarhöfunda er það raunverulega í hag Vesturlanda að taka Pútín alvarlega. Nýlega viðurkenndi Jens Stoltenberg, aðalritari Nató, að Pútín „fór í stríð til að koma í veg fyrir að Nató, enn þá meira af Nató væri nálægt landamærum sínum. Hann fékk nákvæmlega hið gagnstæða“.
