Ísraelsmenn ætla ekki að hlýða því, sem Bandaríkin eða önnur ríki segja um harðlega gagnrýndar lagaumbætur ísraelskra stjórnvalda, sem hafa leitt til fjöldamótmæla í landinu. Ísrael er „fullvalda ríki“ sem tekur ekki ákvarðanir, sem byggjast á afstöðu erlendra afla, segir Benjamin Netanyahu, forsætisráðherra Ísraels.
Joe Biden Bandaríkjaforseti gagnrýndi fyrirhugaðar umbætur Ísraela á réttarkerfinu, sem gagnrýnendur segja að muni breyta Ísrael í „einræðis guðveldi“ þar sem þingið getur sniðgengið hæstarétt og erfiðara verður að koma leiðtogum landsins frá völdum. Biden sagði:
„Þeir geta ekki haldið áfram á þessari braut og ég hef gert þeim það ljóst.“
Ísrael fært um að taka eigin ákvarðanir
„Ég hef þekkt Biden forseta í meira en 40 ár og ég þakka langvarandi skuldbindingu hans við Ísrael. Bandalag Ísraels og Bandaríkjanna er óhagganlegt og sigrast alltaf a einstökum skoðanaágreiningi okkar á milli.“
Svar Ísraels lét ekki standa á sér: „Bandaríkin eiga ekki að blanda sér í það sem Ísrael er að gera.“ Benjamin Netanyahu, forsætisráðherra Ísraels, skrifar á Twitter:
„Stjórn mín er staðráðin í að efla lýðræðið með því að endurheimta rétt jafnvægi á milli þriggja greina stjórnarfarsins, sem við leitumst við að ná með víðtækri samstöðu. Ísrael er fullvalda ríki sem tekur ákvarðanir sínar byggðar á vilja þjóðarinnar en ekki á grundvelli þrýstings erlendis frá, á meðal bestu vina okkar.“
Í leynilegri upptöku frá 2001 má heyra Netanyahu segja: „Ég veit hvað Ameríka er. Ameríku er hægt að flytja mjög auðveldlega. Flytja í rétta átt.“
Að sögn Huffpost, stærði hann sig einnig af því að hafa „haft áhrif á Bandaríkin í áframhaldandi friðarferli“ eins og blaðið orðar það. Í ísraelska dagblaðinu Haaretz mátti í tilefni yfirlýsingarinnar lesa, að Netanyahu „haldi að hann hafi Washington í vasa sínum.“