John Kerry, loftslagskeisari Bidens, hreytti því reiðilega út úr sér í vikunni (sjá myndskeið að neðan), að afneitendur hamfarahlýnunar af manna völdum tilheyrðu stórhættulegum sértrúarsöfnuði og dirfðist að efast um „hin staðföstu vísindi.“
Fordæma ber orð Kerrys sem hann lét falla í Edinborg í Skotlandi á The Signet Library á fimmtudag. Þau minna á fornar ræður gegn útskúfuðum hópi nasista.
Mannkyninu stendur mest hætta af þeim sem afneita loftslagsvánni
Hann flaug alla leið til Bretlands til að tukta bændur og gagnrýnendur heimsendaloftslagsspámanna. John Kerry sagði:
„Án staðreynda eða með efnahagsmálin sínum megin, þá afneita þeir alfarið því sem er að gerast á plánetunni okkar og hvað við verðum að gera til að bjarga henni! Núna kemur stærsta hættan gegn mannkyni frá (þessum hluta) mannkynsins sjálfs.“
Hættulegur sértrúarsöfnuður
Kerry hélt áfram:
„Þeir hvetja til hreyfingar gegn því sem þeir kalla ranglega „ofstæki um loftslagsbreytingar“ og eru svo heppnir að gleyma því, að skilgreining orðabókarinnar á „sértrúarsöfnuði“ er „afneitun staðreynda og hollusta við lygina.“ Þeir veitast að flytjendum sannleikans í staðinn og merkja óumdeilanlegar sannanir sem móðursýki.“
John Kerry sagði að afneitendur loftslagsbreytinga væru hættulegir fyrir allt mannkyn.
John Kerry tók m.a. einkaþotu til að taka við heimskautabaugsverðlaunum á Íslandi árið 2019. Kerry sagði:
„Ef þú jafnar út kolefninu þínu, þá er það eini valkosturinn fyrir mann eins og mig sem ferðast um heiminn til að vinna þessa orrustu.“
John Kerry „jafnar kolefni sínu“ með því að eiga nokkur stórhýsi og einkaþotu.