Katrín Jakobsdóttir forsætisráðherra þar sem hún gengur erinda World Economic Forum í gegnum Davos klíkuna við að setja Ísland undir eina heimsstjórn sem WEF hefur unnið að mjög lengi að skipan djúpríkisins. Þetta var meðal þess sem fram kom í máli Guðrúnar Bergmann rithöfundar og lífstílsráðgjafa í síðdegisútvarpinu í dag en hún var gestur Arnþrúðar Karlsdóttur.
Hún segir áhrif djúpríkisins hafi ekki verið mjög sterk þar til á síðustu öld þegar Sameinuðu þjóðirnar voru stofnaðar og World Health Organization. Þarna séu tvær stórar stofnanir þar sem menn eru valdir inn og sameinast um að gera breytingar á heiminum og stýra fólki inn í ákveðna mynd sem lítill hópur hefur ákveðið hvernig eigi að vera. Eitt markmið þessara afla sé að fækka mannkyninu niður í 500 milljónir.
„og við verðum að fara að taka eftir því að það er það sem stefnt er að á margan hátt og við verðum að vera meðvituð um að það eru þarna öfl sem við verðum að sýna viðspyrnu ef við ætlum ekki að láta fangelsa okkur í litlum bæjarhlutum“segir Guðrún.
Guðrún segir að fólk sé ekki að átta sig á að verið sé að þétta byggð alls staðar á höfuðborgarsvæðinu með það að markmiði að hrúga sem flestum í litlar fimmtán mínútna borgir þar sem ætlast sé til að fólk eigi að geta farið í alla þjónustu á 15 mínútum frá heimilinu. Jafnframt verði settar upp eftirlitsvélar um allt þar sem fylgst verði með fólki og því bannað að keyra nema fyrirfram ákveðna vegalengd í takmörkuðum fjölda skipta á ári sem yfirvöld ákveða að undirlagi Davos klíkunnar. Langtíma markmiðið sé þó að fólk eigi ekki að eiga bíla og komið verði í veg fyrir að fólk geti notað þá, til dæmis með því að hætt verði að flytja inn varahluti og hætt að selja fólki eldsneyti.
Þá eigi að gera fólk eignalaust þannig það verði undir harðri stjórn yfirvalda sem ráða hverju sinni. Þessari stefnu sé reynt að koma á undir því yfirskyni að verið sé að bjarga jörðinni af því fólk sé að deyja af völdum mengunar.
Guðrún bendir á að það sama sé uppi á teningnum í öðrum löndum heimsins og þetta sé það fyrirkomulag sem verið sé að koma á með einni alheimsstjórn.
