Arnþrúður Karlsdóttir og Pétur Gunnlaugsson brugðu á leik með hlustendum Útvarps Sögu í dag í tilefni forsetakosninganna á morgun og spurðu hlustendur hvern af frambjóðendunum þeir ætluðu að kjósa. Voru símalínurnar rauðglóandi í þrjár klukkustundir þar sem hlustendur greindu frá atkvæði sínu.
Þá voru einhverjir hlustendur sem greindu frá því að þeir ætluðu að skella sér á kosningavökur frambjóðenda og sem dæmi má nefna einn hlustandann sem ætlaði að kíkja á Ásdísi Rán sem heldur sína kosningavöku á Dash en þar má búast við fjöri enda Ásdís þaulvön að halda glæsilegar galaveislur.
Einnig ræddu nokkrir hlustendur um áhyggjur sínar af spillingunni á Íslandi og áhrif hennar á stjórnmálin hér á landi.
Hlusta má á fjörugar umræður í þættinum í spilaranum hér að neðan