Phil Waldron, herforingi á eftirlaunum, sagði í yfirheyrslum í Pennsylvaniu að kosningavélarnar sem notaðar væru í Bandaríkjunum hafi verið framleiddar til þess að hægt væri að ákveða útkomu kosninga. Hann hélt því fram að nær 1,2 milljónum atkvæða gæti hafa verið breytt í Pennsylvaniu og það þyrfti tæknilega afbrotarannsókn til að hægt væri að segja til um nákvæman fjölda atkvæða sem hefði verið breytt. „Kosningakerfið í Bandaríkjunum og Pennsylvaniu var hannað til að nota við svindl,“ sagðii Phil Waldron en hann hefur starfað við tölvuöryggismál leyniþjónustu og upplýsingastríðs í 30 ár.
Kerfið hannað fyrir svindl
Í yfirheyrslunum sagði Waldron við nefndina, að hann hefði sjálfur persónulega rætt við kúbanskan leyniþjónustumann sem heyrði frá fjölskyldumeðlimum Hugo Chavez „að það væri engin ástæða til að hafa áhyggjur af ógn popúlista í kosningum Maduros í Venúzúela, því úrslitin væru tryggð, þar sem faðir þeirra hafði fjárfest peningum til að byggja SGO kosningavélakerfið.“ 16. nóvember s.l. sagði Sidney Powell, sem er sjálfstætt starfandi lögfræðingur, í viðtali við FOX News að lögfræðiteymi Trumps hefði eiðsvarna yfirlýsingu frá hátt settum embættismanni í Venúzúela sem staðfestir að SGO kosningakerfið er verkfæri til að nota við svindl.
Allt að 1,2 milljón atkvæða í svindlinu
Waldron sagði bandarísk kosningakerfi eins og Dominion „hafa svipað kóða og svipaða möguleika. Sérfræðingar okkar og aðrir vísindamenn telja að allt að 1,2 milljónir atkvæða gæti hafa verið breytt eða svikin, við sáum þetta undanfarna 22 daga. Einungis nákvæm afbrotarannsókn getur sýnt fram á hversku mörg atkvæðin eru í svindlinu. Það eru margir fleiri hópar eins og okkar sem standa saman í þessarri baráttu og eru að rannsaka málin og hafa tekið eftir afbrigðum.“
Dominion varpar af sér allri ábyrgð
Fyrirtækið Dominion sagði 25. nóvember að „Dominion hefur ekkert samband við Smartmatic eða Venúzúela. Atkvæðatalningar eru framkvæmdar af embættismönnum héraða og fylkja en ekki af Dominion. Kerfi okkar styður talningu sem, einungis eru framkvæmd af þessum opinberu embættismönnum og tölvurnar sem nota hugbúnað Dominio eru staðsettar á staðbundnum kjörstöðum og ekki erlendis. Gögn fara aldrei út fyrir stjórn staðbundinna kjörstjórna.“
Sjá nánar hér
