1 af hverjum 800 fá alvarlegar aukaverkanir
Stóra læknaráðstefnan „Ekki valda tjóni“ fór fram í Osló um helgina. Þar kom fram að aldrei áður hafa aukaverkanir komið fram í þeim mæli eins og við covid-bólusetningarnar. Stöðva á allar bólusetningar gegn Covid-19 á meðan beðið er ítarlegrar rannsóknar. Þetta sagði breski sérfræðilæknirinn og gestaprófessorinn í gagnreyndri læknisfræði, Aseem Malhotra, á stóru Covid ráðstefnunni í Ósló um helgina. Andreas Sidkvist, formaður Hugrakka flokksins MoD sem Útvarp Saga átti viðtal við í vor bar upp spurninguna um áframhald bólusetninga gegn covid. Malhotra heldur því meðal annars fram, að a.m.k. 1 af hverjum 800 fái alvarlega aukaverkanir sem „hefur aldrei sést áður.“
Breski hjartalæknirinn Aseem Malhotra hvetur stjórnmálamenn í Svíþjóð sem og annars staðar til að stöðva allar bólusetningar gegn covid. Hann telur, að bóluefnið valdi tjóni og þess í stað eigi að hefja rannsókn.
„Skilaboð mín til sænskra stjórnmálamanna og heilbrigðisyfirvalda, byggð á mínum eigin rannsóknum, eru þau að stöðva þurfi covid mRNA bóluefnið tafarlaust á meðan rannsókn stendur yfir.“
Enginn grundvallar ávinningur af lyfinu
Samkvæmt Malhotra er enginn grundvallalegur ávinningur af lyfinu. Dánartíðni af völdum síðari afbrigða af Covid er ekki verri en flensa. Lyfið er hins vegar ekki öruggt, segir hjartalæknirinn:
„Alger hætta á meiðslum er í þeim mæli, sem aldrei hefur sést áður. Að minnsta kosti 1 af hverjum 800 hefur alvarlegar aukaverkanir. Talan er líklegra hærri. Byggt á þessu eingöngu á að hætta með bóluefnið. Við þurfum að hefja rannsókn á því, af hverju hlutirnir fóru svona úrskeiðis.“
Sum samtök styðja enn bólusetningu vegna „hlutdrægra og spilltra upplýsinga frá lyfjaiðnaðinum“ segir Malhotra:
„Eini áhugi þeirra er hagnaður fyrir hluthafana, ekki að bjóða upp á bestu meðferðina. Og það er rót vandans.“
