Sænska Swebbtv gengur gegn meginmiðlum nútímans með því að upplýsa um staðreyndir mála. Lars Bern til hægri á mynd er einn af áhrifamönnum miðilsins og er oft gestur í viðtölum hjá Mikael Willgert til vinstri á mynd. Í nýlegum þætti, þar sem farið er víða um völl, segir hann tilgagnslaust að horfa á stóru fjölmiðlana í Svíþjóð nú orðið, því þeir séu svo uppfullir af áróðri og stundi heilaþvott í stað þess að segja fréttir. Hér að neðan er hluti úr viðtalinu eins og það birtist á heimasíðu Swebbtv en allan þáttinn má sjá á sænsku neðar á síðunni.
Stóru fjölmiðlarnir hafa breyst í áróðursmaskínur
Ef þú vilt ekki láta innræta þig og teyma þig inn í fantasíuheim, þá þýðir ekkert að vera að horfa á fjölmiðla almannaþjónustunnar eða aðrar rótgrónar fréttastöðvar í Svíþjóð. Vegna þess að „þær eru bara áróðursrásir“ segir Lars Bern í nýrri greiningu í Swebbtv.
Að sögn Lars Bern hjá Swebbtv er algjörlega tilgangslaust að fylgjast með almannaþjónustumiðlum og öðrum stórum rótgrónum fjölmiðlum í Svíþjóð, því þeim er ekki umhugað um að upplýsa fólk, heldur heilaþvo það með áróðri í staðinn:
„Þú þarft ekki að horfa á þá. Þetta eru bara áróðursrásir. Fólk hefur til dæmis varla verið upplýst um, að Rússar vilja og geta enn sent gas til Evrópu um Nord Stream 2 leiðsluna, sem ekki var sprengd.“
Þetta sagði Vladimír Pútín Rússlandsforseti fyrr í vikunni:
„Rússland hefur aldrei litið á sig og lítur ekki á sig sem óvin Vesturlanda.“
ESB gæti keypt rússneskt gas af Tyrkjum
Það er til önnur leið til að senda gas til Evrópu. Rússar og Tyrkir ætla að byggja gasmiðstöð í Tyrklandi þar sem hægt er að selja rússneskt gas til Evrópu. Í því tilviki myndi Evrópa kaupa gas frá Tyrklandi og ekki Rússlandi. Þetta er snjallt hugsað, bendir Lars Bern á. Auk þess verður gasi frá mismunandi löndum blandað saman, sem myndi gera Evrópu enn auðveldara að kaupa það. En ekki bara það. Rússland myndi þannig tengjast beint stærsta NATO-herveldi Evrópu.
Að sögn Lars Bern hefur heimurinn breyst svo mikið núna, að Tyrkir hafa sennilega engan áhuga á að ganga í ESB, sem áður var uppi á teningnum.
„Þeir horfa alveg fram hjá þessu núna. En þeir vilja tengjast hinum ýmsu stofnunum sem Rússland og Kína eru að byggja upp fyrir utan hinn vestræna heim. Spurningin er hversu lengi Bandaríkin geta haldið Tyrklandi í Nató áður en tryggt verður, að þeir verði útilokaðir.“
Því fleiri covid-sprautur sem þú færð – þeim mun veikara verður ofnæmiskerfið
Lars Bern og Mikael Willgert ræða einnig hin svokölluðu covid-bóluefni og skaðann sem þessi efni valda. Því fleiri sprautur, sem þú færð, því veikara getur ónæmiskerfið orðið, segir Bern. Þetta þýðir að það er erfiðara fyrir líkamann að berjast við alls kyns sjúkdóma eins og t.d. krabbamein. Að sögn Bern þarf „mikla rannsókn“ á því sem nú er að gerast í heiminum.:
„Einn maður, sem hafði samband við mig, sagði að fólk á Gotlandi sem vinnur með ALS („amyotrofisk lateral skleros“) hafi venjulega verið með fimm ALS-sjúklinga en núna eru þeir fleiri en 20. Og það er engin raunveruleg skýring á þessari aukningu. Á skömmum tíma hefur fjöldinn fjórfaldast.“
„Það sem við sjáum er aukin dánartíðni, mjög margt ungt og hraust fólk deyr á óskiljanlegan hátt úr hjartavöðvabólgu.“
Hjartabólga er svo alvarlegt ástand að það getur ekki aðeins valdið skjótum dauða hjá manni heldur einnig leitt til dauða innan fimm ára fyrir þann sem þjáist, þar sem bólgan getur valdið varanlegum skaða á hjartavöðvanum.
Stjórnmálamenn munu þegja lengst allra því þeir eru bleyður
Lars Bern telur að margir læknar séu að vakna og það gæti stuðlað að því að sýn og umræða um „bóluefnið“ breytist að lokum:
„Þeir sem munu halda kjafti lengst eru stjórnmálamenn, því þeir eru bleyður. Stjórnmálamenn ganga í bandi við lyfjaiðnaðinn. Við höfum séð hófsama stjórnmálamenn leggja fram tillögur á þingi um að skylda bólusetningar gegn covid. Fólk á ekki að hafa réttinn til að velja sjálft. Framar öllu eru það Móderatar sem sænga með lyfjaiðnaðinum. Og jafnvel aðrir flokkar líka. Enginn þorir að taka af skarið.“
Samkvæmt Bern getur fjöldabólusetning gegn covid haft „hrikaleg áhrif“ á heiminn, sérstaklega Vesturlönd, vegna þess að þau hafa verið svo heltekin því að bólusetja sem flesta.
„Allir sem hafa tekið marga bóluefnaskammta eru skaðaðir. Þeir eru með laskað ónæmiskerfi. Þeir eru með skerta heilsu. Þeir munu ekki vera eins árangursríkir í starfi sínu og þeir hefðu annars verið. Þeir munu veikjast miklu auðveldara.“
Sjá viðtalsþáttinn í heild á myndbandinu hér að neðan:
